Bota

Zgjedhjet parlamentare në Francë, beteja midis Macron dhe të majtës

Sot zhvillohet raundi i balotazhit për zgjedhjet parlamentare në Francë, për të votuar për 572 vende në Asamblenë Kombëtare.

19 Qershor 2022, 09:01 Nga A.B

Zgjedhjet parlamentare në Francë, beteja midis Macron dhe të

Qytetare duke votuar

FRANCË- Nuk kanë kaluar as dy muaj që kur Emmanuel Macron u rizgjodh si president, por ai është në një zgjedhje të vështirë që mund ta pengojë të shtyjë reformat e tij. Votuesit francezë do të shkojnë në qendrat e votimit për të vendosur se kush do të kontrollojë Asamblenë e tyre Kombëtare. Sot zhvillohet raundi i balotazhit për zgjedhjet parlamentare në Francë, për të votuar për 572 vende në Asamblenë Kombëtare, raporton BBC.

Në raundin e parë të dielën e kaluar 5 kandidatë i fituan vendet në parlament. Shumicës parlamentare aktualisht i qëndron përballë si rivale e fortë aleanca e majtë ish-kandidatit për president, Jean-Luc Mélenchon që përfshin socialistët dhe Të gjelbrit. Sipas sondazheve, aleanca e majtë arrin 140 deri në 180 vende. Në raundin e parë të dyja kampet kryesore politike kishin gati një numër të njëjtë votash.

Pa një shumicë të plotë prej 289 vendesh, Macron do të ketë nevojë për mbështetjen e partive të tjera për të shtyrë reformat e tij të mëdha, të tilla si rritja e moshës së pensionit, ulja e taksave dhe reformimi i përfitimeve.

Populistët e Rassemblement National të Marine Le Pen për herë të parë që nga viti 1986 mund të krijojnë një grup parlamentar. Për këtë nevojiten 15 deputetë. Asambleja e re parlamentare zhvillon takimin e parë të martën, bashkë me senatin dhe dy dhomat e parlamentit.

zgjedhjet parlamentare ne france france