Aktualitet

Matura Shtetërore 2022/ Maturantët testohen në lëndën e matematikës, 'rrjedh' teza në rrjet

Mbi 33 mijë maturantë u testuan ditën e sotme për testin e Matematikës. 

17 Qershor 2022, 07:49 Nga A.B

Matura Shtetërore 2022/ Maturantët testohen në lëndën e

TIRANË- Sot maturantët iu nënshtruan provimit të tretë të Maturës Shtetërore, në lëndën e matematikës. Mbi 33 mijë maturantë u futën në klasa në orën 10:00, pa telefona, vetëm me kartën e identitetit, stilolaps dhe ujë me vete për t'u testuar në provimin e tretë të maturës. 

Nxënësit kishin në dispozicion për të plotësuar tezën 2 orë e 30 minuta. Edhe këtë vit, teza e matematikës, ashtu si ajo e gjuhës shqipe dhe e letërsisë, u bë publike në rrjet, shumë pak minuta pasi kishte nisur procesi i provimit. 

Testi i Maturës kishte në total 60 pikë, ku 20 pikë për pyetjet me alternativa dhe 40 pikë pyetjet me zhvillim. Për sa i përket nivelit të vështirësisë 40 % të pikëve të testit do të jenë nivel i parë, 40% niveli i dytë dhe 20 % që do të bëjnë diferencën e maturantëve më të mirë të cilët duan të arrijnë rezultate maksimale.  Maturanti do të jetë kalues nëse merr minimumi 25 % të pikëve të testit. Vlerësimet e testeve do të bëhen brenda një kohe shumë të shkurtër për t’i dhënë mundësinë edhe maturantëve që duan të studiojnë jashtë të kenë diplomat në duar në ditët e para të korrikut.

Më datë 9 qershor maturantët dhanë provimin e gjuhës së huaj, ndërsa më datë 11 qershor iu nënshtruan provimit të Gjuhës Shqipe dhe Letërsisë. Më datë 24 është provimi i lëndës me zgjedhje.

matura shteterore 2022

Sondazh

Poll

MË SHUMË