Aktualitet

26 gëzhoja në vendngjarje! Zbardhet DINAMIKA, si u vra Qepuri në Shkodër, i biri u përplas me autorin

Plumbat kapën të moshuarin Qepuri, por djali i 74-vjeçarit mori armën dhe iu kundërpërgjigj me plumba autorit.

15 Qershor 2022, 23:37 Nga F.M
26 gëzhoja në vendngjarje! Zbardhet DINAMIKA, si u vra Qepuri në
Vendi ku u vra Lulash Qepuri

SHKODËR- Dosja.al ka zbardhur dinamikën e ngjarjes së rëndë që ndodhi mbrëmjen e sotme në Shkodër, ku mbeti i vrarë, Lulash Qepuri. Qepuri ishte bashkë me të birin në lokalin e tij, në momentin që një person i maskuar është afruar drejt tyre dhe ka qëlluar katër herë me shotgun. Plumbat kapën të moshuarin Qepuri, por djali i 74-vjeçarit mori armën dhe iu kundërpërgjigj me plumba autorit. Por, pasi personi që i qëlloi të atin i shpëtoi, lajmëroi policinë. ‘Më vranë babanë’, mësohet tu ketë thënë ai. Me mbërritjen e efektivëve dhe të auto-ambulancës, 74-vjeçari u nis drejt spitalit, por ndërroi jetë rrugës si pasojë e plagëve të marra. Në pranga është vënë dhe djali i Qepurit, pasi pas një kontrolli në lokal u gjet armë me të cilën u qëlloi autorëve, 262 fishekë, 111 kapsolla dhe kanabis. Në lokal janë gjetur 26 gëzhoja. I ndjeri Qepuri rezulton të ketë qenë një person me precedent penalë. 74-vjeçari në vitin 2011, asokohe 63 vjeç është arrestuar pasi gjatë një kontrolli në lokalin dhe banesën e tij u gjetën armë zjarri dhe fara kanabisi. Shkaku i vrasjes së tij mbetet mister, njësoj si autorët.

lulash qepuri vritet lulash qepuri

Sondazh

Poll

MË SHUMË