Art&Argëtim

Sunny Hill në Tiranë, Buzhala: Ky vend është kthyer në albinistan, do investonin 16 mln euro në atë hapësirë

Organizatorët kanë dashur që të investojnë miliona euro për të pasur një hapësirë të tyren. Kushti ishte që atë hapësirë të mos e përdornin për aktivitete të tjera.

14 Qershor 2022, 20:47 Nga F.M
Sunny Hill në Tiranë, Buzhala: Ky vend është kthyer në
Berat Buzhala

KOSOVË- Gazetari Berat Buzhala ka hedhur akuza mbi qeverinë në Kosovë, e cila për shkak të mosdakortësisë me organizatorët e Sunny Hill Festival, ka bërë që ky festival të largohet nga Prishtinë për tu mbajtur në Tiranë. Në një postim në rrjetet sociale, Buzhala uron kryebashkiakun Erion Veliaj për arritjen e një marrëveshjeje me organizatorët dhe shkruan se qeveria e Albin Kurtit ka bërë një gabim të madh. Sipas Buzhalës, organizatorët, pjesë e të cilëve është edhe Dua Lipa e babai i saj Dukagjin Lipa nuk kanë pasur kërkesa të mëdha, por kanë dashur që të investojnë miliona euro për të pasur një hapësirë të tyren. Kushti ishte që atë hapësirë të mos e përdornin për aktivitete të tjera.

POSTIMET:

Urime Erion Veliaj, kam nje lutje: A ka mundesi me na kthy Duan ne Prishtine, kur nje dite do ta shohim se cfare gabimi kemi bere me 14 shkurt te vitit 2021?

Ky vend po shnderrohet ne albinistan. Fjala e tij, paranojat e tij, jane ligj per rrethin e tij. Sunny Hill me cdo kusht ka deshte me qendru ne Prishtina. Dua Lipa me cdo kush ka deshte me kendu ne Prishtine. Tjerat jane prralla.

Jo. Keto jane rrena. Keto jane idiotesi. Organizatori ka pase me i investu 6 milion euro ne ate hapesire. Organizatori, me te drejte, ka deshte qe ajo hapesire, ku ata do te investonin, mos me u perdore edhe per defa, edhe per tupana, edhe per Madonen e Coldplay'in.

Sahanlepiresat e Albin Kurtit asnje fjale. Te dashtun miq dhe mikesha, mos u besoni genjeshtrave se gjoja Dukagjin Lipa ka pase kerkesa te medha per kete festival, mos u besoni as genjeshtrave qe kinse organizatoret kane pase plan per me u zhvendose ne Tirane.

Festivali Sunny Hill këtë vit nuk do të mbahet në Prishtinë, pasi organizatorët janë tërhequr nga eventi pas vonesave proceduriale nga qeveria e Kosovës. Për shkak të vonesave në përgjigje për një vendim përfundimtar për dhënien e tokës në shfrytëzim, themeluesi Dukagjin Lipa i ka njoftuar krerët e shtetit se Festivalin “Sunny Hill” për vendimin e tërheqjes së festivalit nga Prishtina dhe pritet të mbahet në Tiranë. Në adresimin e organizatorëve thuhet se në vend të përkrahjes, kërkesa për t’i siguruar një vend festivalit “është politizuar”. Festivali ishte parashikuar të mbahej në dalje të Prishtinës prej 4 deri më 7 gusht të këtij viti.

sunny hill ne tirane dua lipa dukagjin lipa

Sondazh

Poll

MË SHUMË