Aktualitet

Familja u kthye nga SHBA ta kërkonte! Trupi i dekompozuar që u gjet dje i përket Sherif Mukajt

29-vjeçari është gjetur i dekompozuar, shtrirë në tokë dhe me një aparat celular Nokia e çelsa në duar. Mësohet se policia nga çelësat që ka gjetur pranë trupit të viktimës, kanë hapur dyert e shtëpisë së një prej të zhdukurve në zone

12 Qershor 2022, 20:26 Nga k.m.
Familja u kthye nga SHBA ta kërkonte! Trupi i dekompozuar që u gjet
Sherif Mukaj

KOLONJË- Eshtrat e gjetura një ditë më parë në fshatin Kreshovë të Kolonjës i përkasin Sherif Mukajt. I riu që rezulton i zhdukur që prej nëntorit të shkuar. 29-vjeçari është gjetur i dekompozuar, shtrirë në tokë dhe me një aparat celular Nokia e çelsa në duar. Mësohet se Policia nga çelësat që ka gjetur pranë trupit të viktimës, hapnin dyert e shtëpisë ku edhe u gjet.

I riu jetonte në Kolonjë i vetëm ndërsa familjarët i kishte në Amerikë. 19 ditë pas zhdukjes së tij, ata u kthyen në atdhe dhe kërkuan nisnen e hetimeve për gjetjen e të birit. Shenja e fundit e këtij të fundit ishte makina, e cila u gjet e braktisur në fshatin Starje. Pas gjetjes së kufomës, Policia ka thirrur familjarët e 29 vjeçarit, ndërsa aktualisht në Komisariat janë shoqëruar 5 persona si të dyshuar për ngjarjen.

Po ashtu, hetimet për zbardhjen e ngjarjes kanë nisur, ndërsa celulari i tij po i nënshtrohet një ekspertize për të zbuluar personat e fundit me të cilët ka kontaktuar 29-vjeçari. Nuk dihet ende se çfarë mund t’i ketë ndodhur Mukajt, nëse ai ka pasur konflikte me ndonjë person dhe është vrarë, apo nëse ka ndërruar jetë nga ndonjë shkak tjetër.

sherif mukaj vdes sherif mukaj

Sondazh

Poll

MË SHUMË