Bota

Dy drejtuesit e Facebook-ut rus humbin jetën në një aksident në Arktik

Zëvendës CEO i medias sociale ruse VK Vladimir Gabrielyan, 39 vjeç, dhe menaxheri i blerjeve Sergey Merzlyakov, 44 vjeç, humbën jetën pasi tentuan që të kalonin lumin Bolshoy Bugryanets.

8 Qershor 2022, 10:49 Nga j.c

Dy drejtuesit e Facebook-ut rus humbin jetën në një aksident

Vladimir Gabrielyan dhe Sergey Merzlyakov

RUSI- Dy drejtues të lartë në një platformë të mediave sociale të quajtur Facebook i Rusisë u gjetën të vdekur pasi mjeti i tyre lundrues u përmbys në një lumë në Arktik.

Sipas Daily Mail, zëvendës CEO i medias sociale ruse VK Vladimir Gabrielyan, 39 vjeç, dhe menaxheri i blerjeve Sergey Merzlyakov, 44 vjeç, humbën jetën pasi tentuan që të kalonin lumin Bolshoy Bugryanets në Distriktin Autonom Nenets të Arkhangelsk në Rusinë veriore.

Rryma e lumit përmbysi automjetin e tyre dhe më pas e përplasi me shkëmbinj. Besohet se dyshja ka dalë nga automjeti por për shkak të temperature nën zero gradë Celsius nuk kanë mundur të mbijetojë.

Automjeti me të cilin po udhëtonin

Ekipet e shpëtimit gjetën trupat e tyre në breg të lumit. Gruaja e Gabrielyan, Elena dhe e dashura Sergey Olsevich, të cilat po i ndiqnin Gabrielyan dhe Merzlyakov me një ATV të dytë i cili u përmbys gjithashtu nga rryma e lumit por fatmirësisht ato i mbijetuan.

Trupat e pajetë

Detajet janë ende të pakta dhe ka shumë dyshime se ishte thjesht një aksident duke përfshirë dhe ngjarjet e tjera që përfshinin liderë të tjerë rusë, si vdekja e Andrei Krukoëski, menaxher i një fshati turistik të Gazprom, i cili ra nga një shkëmb në Soçi në fillim të majit.