Politike

Këshilla për postin! I shoqëruar nga garda, Begaj i shkon në banesë Moisiut, fokusi i takimit

Ashtu si Moisiu dhe Begeaj vijnë nga karriera ushtarake

5 Qershor 2022, 10:04 Nga DOSJA
Këshilla për postin! I shoqëruar nga garda, Begaj i shkon në
Alfred Moisiu, Bajram Begaj

TIRANË- Nuk kanë kaluar shumë orë që nga momenti kur Bajram Begaj, u votua në parlament si presidenti i ri i Republikës së Shqipërisë. Ai sot zhvilloi edhe takimin e tij të parë formal me ish-presidentin Alfred Moisiun. Takimi nisi në orën 10:00 dhe u bë me kërkesë të presidentit të sapozgjedhur Begaj.

'Panorama' raporton se kreu i ri i shtetit i shoqëruar nga garda e republikës udhëtoi drejt Baldushkut ku po qëndron ish-presidenti Alfred Moisiu, duke u larguar nga temperaturat e larta të Tiranës. Në takim fokusi ka qënë te detyra e re e Begajt ku Moisiu i ka ofruar disa këshilla presidentit të ri.

Deri në marrjen e detyrës së kreut të shtetit, Begaj duket se do të zhvillojë disa takime të tjera. Në ditët dhe javët në vazhdim pritet të ketë takime me ish-presidentë të tjerë të vendit si Bamir Topi dhe Rexhep Meidani.

Begaj u votua ditën e djeshme në Kuvend me 78 vota pro, 4 kundër dhe 1 abstenim. Ai është presidenti i tretë i Shqipërisë, pas ish-president Alfred Moisiut dhe të ndjerit Bujar Nishani që vjen nga karriera ushtarake.

Sondazh

Poll

MË SHUMË