Art&Argëtim

VENDIMI/ Amber Heard shpallet fajtore për shpifje, Johnny Depp fiton gjyqin e 15 milionë dollarë

Juristët arritën një vendim në Fairfax, Virxhinia, më herët sot, pas gjashtë javësh prova dhe afërsisht 13 orë diskutimi. Juria ka vendosur që pretendimet për shpifje të Heard kundër Johnny Depp ishin të paprovuara.

1 Qershor 2022, 20:56 Nga DOSJA
VENDIMI/ Amber Heard shpallet fajtore për shpifje, Johnny Depp fiton gjyqin
Amber Heard dhe Johnny Depp

SHBA- Johnny Depp ka fituar gjyqin kundër ish-bashkëshortes Amber Heard, të cilën ai e paditi për shpifje dhe abuzim. Juria e përbërë nga shtatë persona doli në përfundimin se Heard ka shpifur ndaj Depp në artikull e publikuar në Ëashington Post të vitit 2018, në të cilin ajo shprehej se kishte rënë pre e dhunës nga aktori. Për pasojë, Johnny Depp do të marrë 15 milionë dollarë si dëmshpërblim. Pretendimet e Heard kundër Johnny Depp nuk mund të provoheshin. Pas 13 orësh diskutime, juria arriti në përfundimin se akuzat e Heard për martesën e saj ishin të rreme dhe shpifje që implikonin edhe njerëz të tjerë përveç Depp e se aktorja kishte vepruar me keqdashje të plotë.

Ndërkohë që juria lexoi vendimin, jashtë sallës së gjyqit kishte festë. Fansat e aktorit brohorisnin e ulërsinin për vendimin që i vendosi vuën gjyqit që nisi gjashtë më parë. Vetë Heard është shprehur zemërthyer. Pas vendimit, ajo shtoi se ky vendim e kthen drejtësinë pas në kohë, referuar dhunës ndaj grave. Ndërsa Depp nuk ka qenë prezant në sallë.

Depp paditi Heard, ish-gruan e tij, për shpifje në lidhje me një shkrim të vitit 2018 që ajo shkroi për The Washington Post, në të cilin ajo e përshkroi veten si një "figurë publike që përfaqëson abuzimin në familje". Megjithëse Depp nuk u përmend në artikull, ai pretendon se kjo gjë i kushtoi atij role fitimprurëse aktrimi. Depp kërkoi 50 milionë dollarë dëmshpërblim dhe Heard kërkoi 100 milionë dollarë. Dëmet ndëshkuese në shtetin e Virxhinias janë të kufizuara në 350,000 dollarë, kështu që gjyqtari e uli çmimin.

 

Sondazh

Poll

MË SHUMË