Politike

Banderola për Murinjon te UPT, Açka: Shkelje ligjore, Prokuroria të nisë hetimet

Me anë të një postimi në Facebook, Açka shkruan se kjo gjë është një shkelje ligjore dhe se personat që e kanë bërë këtë duhet të përballen me ligjin. 

24 Maj 2022, 19:48 Nga DOSJA
Banderola për Murinjon te UPT, Açka: Shkelje ligjore, Prokuroria
Flutura Açka

TIRANË- Deputetja Flutura Açka ka reaguar në lidhje me banderolën e vendosur te godina e Univesitetit Politeknik të Tiranës në lidhje me ardhjen e trajnerit të Romës Joso Mourinho për ndeshjen e Conference League. Me anë të një postimi në Facebook, Açka shkruan se kjo gjë është një shkelje ligjore dhe se personat që e kanë bërë këtë duhet të përballen me ligjin. 

Postimi i Plotë:

Kush ia jep të drejtën e kësaj shkeljeje ligjore? Kjo fasadë është pronë publike dhe Stadiumi Shqiptar, dhe asetet publike, duhet të jenë neutrale në ndeshjen e nesërme. Kush e ka bërë këtë shkelje, kush ka urdhëruar për këtë, duhet të përballet me ligjin. Në shtëpinë e tij, në ballkonin e tij, në rradaken e tij, në injorancën e tij, kushdo mund të bëjë tifo për kë të dojë, por të përdorësh hapësirat publike nē këtë formë, është e dënueshme. I bëj thirrje Ministres së Arsimit, zonjës Kushi, Federatës së Futbollit, Rektoratit të Universitetit dhe Bashkisë Tiranë të mos e shkelin rregullin bazë të neutraliteit në institucionet publike. I bëj thirrje Prokurorisë së Tiranës të nisë menjëherë hetimet për shkelësit e ligjit dhe abuzantët të veshur me pushtet. Mos e bëni pis ende pa filluar festa! Ai poster duhet të hiqet menjëherë dhe është një turp kombëtar për këdo që ka urdhëruar të vendoset aty!

(I.A/dosja.al)

Sondazh

Poll

MË SHUMË