Bota

Putin promovon truprojën personale në 'Ministër të Emergjencave' pasi paraardhësi i tij vdiq në mënyrë misterioze

Dailymail shkruan se gjeneral-majori Alexander Kurenkov, 49 vjeç, i propozuar sot nga Putin, është truproja i gjashtë i presidentit rus që emërohet në postin e lartë të qeverisë.

24 Maj 2022, 18:52 Nga DOSJA
Putin promovon truprojën personale në 'Ministër të
Alexander Kurenkov dhe Vladimir Putin

RUSI- Vladimir Putin ka promovuar ish-truprojen e tij personale si ministrin e ri të Emergjencave të Kremlinit, disa muaj pasi paraardhësi i tij ra në mënyrë misterioze për vdekje nga një ujëvarë. Dailymail shkruan se gjeneral-majori Alexander Kurenkov, 49 vjeç, i propozuar sot nga Putin, është truproja i gjashtë i presidentit rus që emërohet në postin e lartë të qeverisë.

Njeriu i fundit që mbajti postin ishte Yevgeny Zinichev, gjithashtu një ish-roje i Putinit, i cili vdiq duke rënë në një ujëvarë 90 metra mes dyshimeve për vrasje. I mbiquajtur 'njeriu pa fytyrë', dihet pak për të kaluarën dhe prejardhjen e Kurenkovit, me pretendime se ai kishte shërbyer në agjencinë e kundërzbulimit FSB si dhe në FSO, përgjegjëse për ruajtjen e zyrtarëve të lartë.

Zëdhënësi presidencial Dmitry Peskov tha: Putini e njeh atë mirë personalisht. Dhe zgjedhja do të thotë se, sipas kreut të shtetit, cilësitë personale, shërbyese dhe profesionale të Kurenkovit do ta lejojnë atë të shërbejë në këtë funksion. 

Kritikët thonë se një Putin gjithnjë e më paranojak u beson plotësisht vetëm atyre që kanë dëshmuar besnikërinë e tyre duke ruajtur jetën e tij. 

(I.A/dosja.al)

Sondazh

Poll

MË SHUMË