Aktualitet

BISEDA E FUNDIT/ 'Si do e lëmë bashkë?', ç'u tha mes dy policëve në komisariat

Pas kontrollit, policia gjeti antidepresantë në shtëpinë e 25-vjeçarit

24 Maj 2022, 10:44 Nga DOSJA
BISEDA E FUNDIT/ 'Si do e lëmë bashkë?',
Ludian Zaimit dhe Çaush Saliasit

TIRANË- 'Si do e lëmë bashkë?'- ishte biseda e fundit mes Ludian Zaimit dhe Çaush Saliasit brenda ambienteve të komisariatit numër 3 në Tiranë.

Kjo është fjalia e fundit e cila u tha nga Zaimi drejtuar kolegut të tij Caush Saliasi dhe më pas e ka qëlluar me pistoletë në komisariat. Pas kontrollit, policia gjeti antidepresantë në shtëpinë e 25-vjeçarit dhe mësohet se ai kishte marrë kontakte me një psikologe kohët e fundit.

Çfarë ndodhi mbrëmë?

Ngjarja e rëndë ndodhi rreth orës 21:20 mbrëmjen e djeshme në ambientet e brendshme të komisariatit, konkretisht në zyrën e instruktazhit, pak para se të merrnin turnit. Ata janë konfliktuar edhe më herët, teksa referuar dëshmisë së 25-vjeçarit, thotë se e qëlloi "pasi e tallte prej kohësh". Zaimi qëlloi me armë zjarrin kolegun, i cili më pas humbi jetën gjatë transportimit në spital. Efektivë të tjerë ishin të pranishëm në vendin e ngjarjes, por nuk kanë mundur të ndalonin 25 vjeçarin, Ludian Zaimi. 3 plumba e kanë prekur në trup efektivin Çaush Saliasi, i cili humbi jetën rrugës për në spital.

Autori ka shprehur pendesë dhe ka deklaruar se mes tij dhe kolegut ka pasur sherre dhe përplasje të mëparshme dhe gjithmonë është fyer nga kolegu i tij, dhe mbrëmjen e djeshme ka ndërmarrë aktin ekstrem. Zaimi ka 1 vit e gjysmë në Policinë e Shtetit, e ndërsa viktima Çaush Saliasi mbi 20 vite karrierë me uniformat blu. 

(a.b)/dosja.al

Sondazh

Poll

MË SHUMË