Aktualitet

PARALAJMËRIM? Tritol në lokalin e policit në Shkodër, autorët i djegin furgonin

Sasi tritoli në biznesin e Ndrek Rrasës në Shkodër. Autorët i kanë djegur edhe mjetin që ishte i parkuar pranë.

20 Maj 2022, 07:12 Nga DOSJA
PARALAJMËRIM? Tritol në lokalin e policit në Shkodër,
Policia

SHKODËR- Një shpërthim me tritol ka ndodhur në orët e para të mëngjesit në një lokal në fshatin Grudë e Re. Autorët kanë shpërthyer lokalin i cili është në pronësi të policit, Ndrek Rrasa. E jo vetëm kaq. Autorët, ende të paidentifikuar, kanë djegur edhe furgonin i cili ishte i parkuar pranë biznesit në pronësi të Rrasës. 

Shpërthimi ndodhi rreth orës 02:20 minuta, duke shkaktuar dëme të mëdha materiale. Fatmirësisht, asnjë person nuk ka mbetur i lënduar nga shpërthimi. Nuk dihet nëse kjo ngjarje lidhet me profesionin e Rasës apo ai ka pasur probleme në të shkuarën me autorët për çështje të tjera. 

Vetë polici ka deklaruar se nuk ka konflikte me persona të tjerë dhe nuk e ka idenë se kush mund ta ketë vënë tritolin apo djegur autobusin.

Grupi hetimor po punon  për zbardhjen dhe sqarimin e plotë të kësaj ngjarjeje.

(a.b)/dosja.al

Sondazh

Poll

MË SHUMË