Bota

Thesari amerikan dhe bankat globale zbulojnë planin për të lehtësuar krizën ushqimore nga lufta e Rusisë

E përshkruar përpara takimeve të ministrave të financave të G7, thesari njoftoi sot se disa banka globale të zhvillimit "po punonin me shpejtësi për të vënë në jetë financimin e tyre, angazhimin e politikave, ndihmën teknike" për të parandaluar urinë e shkaktuar nga lufta, rritjen e kostove të ushqimit dhe dëmtimin e klimës te kulturat.

18 Maj 2022, 15:42 Nga DOSJA
Thesari amerikan dhe bankat globale zbulojnë planin për të
Foto ilustruese

SHBA- Thesari i SHBA-së, së bashku me disa banka globale të zhvillimit dhe grupe të tjera, ka zbuluar një plan shumë miliardë dollarësh për të trajtuar një krizë mbarëbotërore të sigurisë ushqimore të përkeqësuar nga lufta e Rusisë në Ukrainë.

Sipas Skynews, e përshkruar përpara takimeve të ministrave të financave të G7, thesari njoftoi sot se disa banka globale të zhvillimit po punonin me shpejtësi për të vënë në jetë financimin e tyre, angazhimin e politikave, ndihmën teknike për të parandaluar urinë e shkaktuar nga lufta, rritjen e kostove të ushqimit dhe dëmtimin e klimës te kulturat.

Në njoftim u tha se dhjetëra miliarda do të shpenzoheshin për mbështetjen e fermerëve, adresimin e krizës së furnizimit me plehra dhe zhvillimin e tokës për prodhimin e ushqimit, ndër çështje të tjera.

Ndërkohë, Banka Aziatike për Zhvillim është vendosur të kontribuojë me fonde për të ushqyer Afganistanin dhe Sri Lankën dhe Banka Afrikane për Zhvillim do të përdorë 1.5 miliardë dollarë për të ndihmuar 20 milionë fermerë afrikanë, sipas thesarit të SHBA.

Banka Evropiane për Rindërtim dhe Zhvillim, Banka Ndër-Amerikane për Zhvillim, Fondi Ndërkombëtar për Zhvillimin e Bujqësisë dhe Banka Botërore kanë rënë dakord të gjithë të kontribuojnë me dhjetëra miliarda në muajt dhe vitet e ardhshme për të mbështetur prodhuesit e ushqimit dhe për të adresuar çështjet e mungesës së furnizimit.

(d.a/dosja.al)

Sondazh

Poll

MË SHUMË