Bota

Zyrtarët ukrainas: Një qytet në rajonin e Donetskut u godit nga raketa

Sulmi raketor shkatërroi një ndërtesë pesëkatëshe në qytet, sipas policisë rajonale të Donetsk. 

17 Maj 2022, 18:48 Nga DOSJA
Zyrtarët ukrainas: Një qytet në rajonin e Donetskut u godit nga
banesat e shkaterruara

UKRAINË- Në një tregues se forcat ruse mund të zgjerojnë gamën e sulmeve të tyre, zyrtarët ukrainas thonë se qyteti i Bakhmut në rajonin e Donetsk u godit nga një raketë të martën. Sulmi raketor shkatërroi një ndërtesë pesëkatëshe në qytet, sipas policisë rajonale të Donetsk. Një person ka mbetur i vrarë dhe një fëmijë 9-vjeçar ka mbetur i plagosur rëndë.

“Numri i saktë i viktimave është duke u sqaruar”, tha policia.

Bakhmut është një qendër e rëndësishme për ushtrinë ukrainase dhe spitali i saj trajton ushtarët e plagosur. Është afërsisht 12 milje (20 kilometra) nga vijat e frontit rreth Popasna.

“Rusët nuk i ndalin bombardimet masive përgjatë gjithë vijës së frontit nga Vuhledar në Bakhmut”, tha Pavlo Kyrylenko, kreu i administratës ushtarake të rajonit Donetsk.

Sulmet të martën në mëngjes kishin dëmtuar një shkollë në Bakhmut dhe disa objekte infrastrukturore. Kyrylenko tha se kishte pasur zjarr intensiv në disa vende përgjatë vijave të frontit, duke përfshirë Toretsk dhe Ocheretyn.

(I.A/dosja.al)

Sondazh

Poll

MË SHUMË