Politike

Demokrati ngre peshë Berishën: Shërove zemrat e përvëluara, u shkakton atak kundërshtarëve

I kërkoi Berishës të qëndronte i fortë.

14 Maj 2022, 23:27 Nga DOSJA
Demokrati ngre peshë Berishën: Shërove zemrat e
Qytetari në takimin e Berishës

FIER- Një demokrat nuk i ka kursyer fjalët kur ka përshkruar rikthimin e e ish-kryeministrit Sali Berisha në politikë. I pranishëm në sallën e kinoteatrit në Fier, qytetari tha se kthimi i Berishës po shkakton atake kardiake kundërshtarëve politikë. Ai e konsideroi Berishën si një doctor, që këtë herë po shëronte zemrat e përvëluara të demokratëve.

“Përshendetje doktor dhe mirëseerdhe mes nesh. Ju vini nga një betejë në dy fronte, nga fronti kundër kundërshtarëve tanë politikë por edhe nga një front i ri kundër renegatëve tanë dhe këtë ju e realizoni pasi keni shpirtin e një djali të ri. Një proverb franceze thotë se jam i vjetër aq sa dukem por jam i ri aq sa ndiem. Dhe pikërisht ky shpirti i juaj rinor do ta përballojë me sukses këtë fushatë deri në fitore.Ju jeni doktor kardiolog me profesion por jeni kthyer në doktor që po shëron zemrat e përvëluara të demokratëve dhe rikthimi juaj po krijon atake kardiake te kundërshtarët tuaj. E kemi parë  si po dalin dhe ulërijnë në televizionet që paguajnë vetë. Qëndroni fort doktor pasi beteja është e vështirë dhe kërkoj të tregoheni pak më i ashpër me grupin e renegatëve,”- tha ai ndër të tjera.

(f.m/dosja.al)  

Sondazh

Poll

MË SHUMË