Bota

Shefi i inteligjencës në Ukrainë: Lufta do të vazhdojë deri në gusht, Rusia nuk është e fuqishme

Gjenerali Budanov parashikoi saktë se kur do të ndodhte pushtimi rus kur të tjerët në qeverinë e tij ishin publikisht skeptikë dhe tani thotë se është i sigurt për parashikimin e përfundimit të tij.

14 Maj 2022, 08:57 Nga DOSJA

Shefi i inteligjencës në Ukrainë: Lufta do të vazhdojë

Gjeneral Major Kyrylo Budanov

UKRAINË- Kreu i inteligjencës ushtarake të Ukrainës thotë se lufta me Rusinë po shkon aq mirë, sa do të arrijë një pikë kthese nga mesi i gushtit dhe do të përfundojë deri në fund të vitit. Ky është parashikimi më i saktë dhe më optimist nga një zyrtar i lartë ukrainas deri më tani.

Sipas një intervistë me Sky News, gjeneralmajor Kyrylo Budanov tha gjithashtu se udhëheqësi rus është i sëmurë rëndë me kancer.

"Pika e thyerjes do të jetë në pjesën e dytë të gushtit. Shumica e aksioneve luftarake aktive do të kenë përfunduar deri në fund të këtij viti. Si rezultat, ne do të rinovojmë fuqinë ukrainase në të gjitha territoret tona që kemi humbur, përfshirë Donbasin dhe Krimenë,"-tha ai.

Budanov flet dhe për sëmundje të tjera për liderin rus dhe parashikon se humbja e Moskës në Ukrainë do të jetë shkas që do të çojë në largimin e Putinit dhe shpërbërjen e Rusisë.

"Ne i njohim ushtarët rusë, ata lëvizin si një turmë, ata nuk janë të fuqishëm. Taktikat e Rusisë nuk kanë ndryshuar pavarësisht nga zhvendosja e saj drejt lindjes', shtoi Budanov, duke shpjeguar se Rusia po pëson humbje të mëdha. Ne dimë gjithçka për armikun tonë. Ne i dimë planet e tyre pothuajse ashtu siç janë realizuar: Europa e sheh Rusinë si një kërcënim të madh. Ata kanë frikë nga agresioni i saj. Ne kemi luftuar Rusinë për tetë vjet dhe mund të themi se deklaratat se Rusia është një shtet i fuqishëm është një mit. Nuk është aq e fuqishme, është një turmë njerëzish me armë," tha ai.

Lufta në Ukrainë hyn në ditën e saj të 80-të. Rusia ka pezulluar furnizimin me energji elektrike tëFinlanda që synon të anëtarësohet në NATO. Moska nga ana tjetër është shprehur se nuk ka armiqësi me Finlandën dhe Suedinë. Ekspertët amerikanë thonë se Ukraina ka fituar betejën për Kharkiv. Presidenti ukrainas Zelensky është shprehur sot se askush nuk mund të parashikojë se sa do të zgjasë kjo luftë.

(j.c)/dosja.al