Politike

Ministrja e Arsimit, paralajmërimi për ndryshime në maturën shtetërore për vitet e ardhshme

23 Prill 2022, 09:29 Nga DOSJA
Ministrja e Arsimit, paralajmërimi për ndryshime në maturën

TIRANË– Ministrja e Arsimit, Evis Kushi ka zhvilluar takim me drejtues të institucioneve arsimore nga e gjithë Shqipëria duke shpallur thirrjen për vendin vakant të Drejtorit të Përgjithshëm të Sistemit Parauniversitar pas dorëheqjes së Selman Hodajt. Në fjalën e saj, gjatë takimit, Kushi kërkoi që të gjithë ata që plotësojnë kriteret të aplikonin.
“Kemi nevojë për frymë energji të reja, për kontribute të reja. Drejtoria e përgjithshme e arsimit parauniversitar ka bërë punë kolosale, institucion i ri, ishte sfidë, ka përballuar me sukses tërmetin, pandeminë, e vështirësi të tjera. Në vazhdim të punës që është bërë dhe për shkak të nevojës për energji të reja e ritme të reja më të shpejta, ne kemi shpallur thirrjen për drejtues të drejtorisë së Përgjithshme të Arsimit Parauniversitar. Do ju ftoja që të aplikoni. E rëndësishme është të kemi sa më shumë konkurrentë, ndaj ju ftoj të konkurroni që të kemi sa më shpejt një drejtor të ri,”- u shpreh ministrja.


Sa i përket maturës shtetërore, ministrja Kushi paralajmëroi ndryshime duke thënë se nuk do të fillojnë në vitet e ardhshme. Ndërsa shtoi se në momentin që do të kenë ndryshime konkrete, do të bëhen publike që nxënësit të informohen në kohën e duhur për maturën shtetërore për vitet e ardhshme apo vitet që do vijnë.
Po ashtu, gjatë takimit u diskutua edhe lidhur me arsimin dhe frymën e re që duhet të implementohet, e për tema të tjera si psh: sfidat dhe arritjet në drejtimin e Institucioneve Arsimore në vend; roli i prindërve dhe komunitetit në mbështetje të strukturave të shkollës; përfshirja e Qeverive të Nxënësve në vendimmarrje dhe jetën aktive të shkollës në bashkëpunim me mësuesit, prindërit, komunitetin.

(k.m/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

politike politike evis kushi evis kushi

Sondazh

Poll

MË SHUMË