Bota

INTERVISTA- Ivica Daçiç: Pa marrëveshjen e Brukselit Kosova tani do të ishte shtet

19 Prill 2022, 14:53 Nga DOSJA
INTERVISTA- Ivica Daçiç: Pa marrëveshjen e Brukselit Kosova

BEOGRAD- Kryeparlamentari Ivica Daçiç, i cili nënshkroi Marrëveshjen e Brukselit si kryeministër në emër të Beogradit në vitin 2013, thotë sot, nëntë vjet më vonë, se është i sigurt se, pa atë dokument, Kosova do të ishte njohur si shtet shumë kohë më parë. Në një prononcim për Tanjug, ai tha se marrëveshja e Brukselit ishte maksimumi i mundshëm.

“Ne jemi atëherë, dhe tani duam shumë më tepër për Serbinë dhe për popullin serb në Kosovë, por duhet të arrijmë ta bëjmë realitet. Nëse atëherë nuk do ta kishim Marrëveshjen e Brukselit, jam i sigurt se Kosova do të ishte shtet i njohur ndërkombëtarisht shumë kohë më parë, dhe pyetja e madhe është se a do të kishte ende serb atje,”– tha Daçiç.

Ai po ashtu kujton se njohja e Kosovës është ndalur dhe Beogradi ka arritur të bindë 18 shtete anëtare të OKB-së që ta tërheqin njohjen. E po ashtu, Daçiç tha gjithashtu se Beogradi është indinjuar që edhe pas nëntë vitesh Prishtina nuk e ka përmbushur detyrimin e vetëm nga Marrëveshja e Brukselit, që është formimi i Unionit të Komunave Serbe.

“Ka kohë që nuk ka asnjë justifikim për atë që nuk e ka bërë Prishtina. Ne i kemi kryer obligimet tona, ashtu siç jemi zotuar, por obligimi i vetëm i tyre nuk është përmbushur edhe sot e kësaj dite,”-shtoi ai. 

Sot mbushen 9 vjet nga nënshkrimi i marrëveshjes së parë mes Kosovës dhe Serbisë, në Bruksel. Hashim Thaçi, atëherë kryeministër i Kosovës, dhe Ivica Daçiç i Serbisë, hodhën firmën në marrëveshjen 15 pikëshe, me qëllim të normalizimit të marrëdhënieve mes të dy vendeve. Marrëveshja e 19 prillit, ndër të tjera, përmban pika që flasin për asociacionin e komunave me shumicë serbe dhe shpërbërjen e strukturave paralele në veri.

Marrë nga Blic

(k.m/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

rajoni rajoni ivica dacic ivica dacic

Sondazh

Poll

MË SHUMË