Aktualitet

‘Open Ballkan’, mediat serbe: Britania do të zëvendësojë Serbinë me Bullgarinë

17 Prill 2022, 07:00 Nga DOSJA

‘Open Ballkan’, mediat serbe: Britania do të

SERBI-Ballkani i Hapur, iniciativa e përbashkët e Shqipërisë, Serbisë dhe Maqedonisë së Veriut, sipas mediave serbe është kthyer në një projekt në qarqet ndërkombëtare, për shkak të afërsisë së Serbisë me Rusinë dhe faktit që Serbia nuk duhet të të paraqitet si një forcë shtetërore në rajon.

Sipas Alo.rs, ky është mendimi i diplomatit në pension Milisav Paic, i cili përmend takimin e fundit për sigurinë në Ballkanin Perëndimor si shembull se Serbia nuk është më e dëshirueshme në krye të këtij projekti, për të cilin ajo nuk ka marrë ftesë si anëtare e Ballkanit të hapur.

Paic beson se spekulimet mund të bëhen realitet se projekti i Ballkanit të Hapur do të merret nga Bullgaria në vend të Serbisë, megjithëse në fakt ai nuk ekziston dhe nuk do të kishte kuptim pasi ajo është pjesë e BE-së.

“Projekti është krijuar për të ndihmuar vendet që janë jashtë BE-së dhe jo ato që janë tashmë anëtarë të BE-së. Për këtë arsye, ekziston dyshimi i arsyeshëm se ata mund të planifikojnë të përdorin projektin e Ballkanit të Hapur për diçka tjetër. Për çfarë, nuk do të mund të them në këtë moment, por kështu veprojnë dhe sillen faktorët ndërkombëtarë, veçanërisht britanikët që nuk ishin për këtë projekt që në fillim”, vëren Paić.

Paic shton se në kushtet e luftës në Evropë dhe luftës së përgjithshme për furnizim me energji, Bullgaria është e rëndësishme për komunitetin ndërkombëtar për shkak të territorit për transportin e gazit dhe naftës në Evropë. Ai konkludon se rrethanat politike dhe ekonomike e vënë në rend dite nismën e Ballkanit të Hapur, por nga ana e fuqive evropiane, ajo shihet si një terren ideal për zgjerimin dhe forcimin e mekanizmave të presionit ndaj Serbisë.

Politologu Dragomir Andjelkoviq mendon se është cinike që Britania, e cila u tërhoq nga BE-ja dhe është kundër integrimit në BE, do të ndërhyjë në integrimin e një lloji tjetër, Ballkanin e Hapur.

“Ballkani i Hapur është profilizuar të jetë një lloj zone integruese e lidhur me BE-në. Është e çuditshme që Britania, e cila po largohet nga BE-ja, tani papritmas po merret me integrimin e Ballkanit Perëndimor”, thekson Andjelkoviq.

Britania, thotë ai, nuk është më një fuqi aq e madhe sa e paraqet veten dhe për këtë arsye ky kaos përdoret për t’u dërguar mesazh amerikanëve se është edhe përfaqësuese e interesave të tyre.

“Pra, këtë nuk do ta shihja si një iniciativë serioze, por si një veprim marketingu britanik dhe lojën e tyre gjeopolitike. Anglezët e shohin Serbinë si një “rus të vogël” tradicional dhe synojnë të dobësojnë pozitën e Serbisë në Ballkan sa më shumë që të munden, siç e shohin atë në një shkallë më të gjerë dhe pozicionin e Rusisë”, shpjegon ai.

Ballkani i Hapur, është një nismë që deri më tani ka bashkuar Serbinë, Maqedoninë e Veriut dhe Shqipërinë, me ambicien për t’u shtrirë në të gjithë Ballkanin Perëndimor, duke përfshirë Malin e Zi, BeH dhe Kosovën.

(d.a/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

kryesore politike aleksander vucic edi rama open balkan aleksander vucic edi rama open balkan