Aktualitet

Mund të ketë ngecur!Dita 4, nisin kërkimet në lumin Fan për gjetjen e trupit të 10-vjeçarit

8 Prill 2022, 07:28 Nga DOSJA

Mund të ketë ngecur!Dita 4, nisin kërkimet në lumin Fan

MIRDITË– Trupi i 10-vjeçarit që është mbytur në lumin Fan të Mirditës dyshohet se ka ngecur në një urë të prishur. Edhe sot kanë nisur kërkimet për gjetjen e trupit të të miturit, duke shënuar kështu ditën e katërt për kërkimin e 10 vjeçarit. Përveç urës, banorët dhe familjarët kërkojnë që të hapen portat e HEC në Reps, ndërsa kërkimet vazhdojnë. Në kërkime janë angazhuar 14 polumbarë, por ende nuk e kanë gjetur kufomën, e deri më tani paraprakisht dyshohet se trupi i vogëlushit mund të ketë ngecur pranë një ure të dëmtuar disa kilometra larg vendit ku u mor nga rrjedha. Dy ditë më parë u gjet topi i të miturit, për të cilin 10-vjeçari rendi pas mirëpo rezultoi veprim fatal për të…

Familjarët kanë ngritur akuza në drejtim të policisë duke thënë se nëse do të kishin ndërhyrë në kohë, mbase trupi i 10-vjeçarit do të ishte gjendur më herët. Ata deklaruan ditën e djeshme se njoftuar uniformat blu rreth orës 17:00, por pavarësisht kësaj, policia dhe polumbarët nuk kanë shkuar në vendin e ngjarjes.

Në ndihmë të 10-vjeçarit për ta shpëtuar ishte futur edhe i vëllai, por kur nuk ia kishte dalë mbanë që ta shpëtonte është kthyer në shtëpi ku ka njoftuar familjarët për lajmin e trishtë. Ai kishte dalë të luante mbrëmë se bashku me disa shokë të tjerë, po kjo lojë iu kthye në tragjedi.

(a.b)/dosja.al

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet lumi fan mbytet 10-vjecari ne mirdite lumi fan mbytet 10-vjecari ne mirdite