Aktualitet

TIRANË/Arrestohet një 31- vjeçar, i gjenden lënd narkotike dhe tre aparate celular

31 Mars 2022, 09:03 Nga DOSJA
TIRANË/Arrestohet një 31- vjeçar, i gjenden lënd narkotike

TIRANË- J. H., 31 vjeç, banues në Tiranë, është arrestuar pasi i janë gjetur dhe sekuestruar një sasi lënde narkotike të ndarë në dhjetëra doza, një shumë parash që dyshohet se është përfituar nga ky aktivitet i paligjshëm. Gjithashtu i janë sekuestruar tre aparate celular dhe një peshore elektronik. Arrestimi i tij është bërë për veprën penale prodhimi dhe shitje e lëndëve narkotike.

 

NJOFTIMI POLICISË TIRANË:

Finalizohet me sukses operacioni policor i koduar “Finish”, për goditjen e shpërndarjes së drogave në doza të vogla. Operacioni i zhvilluar nga Komisariati i Policisë Nr. 2.Sekuestrohen një sasi lënde narkotike e ndarë në dhjetëra doza, një shumë parash që dyshohet se është përfituar nga ky aktivitet i paligjshëm, tre aparate celulare dhe një peshore elektronike. Vihet në pranga poseduesi i tyre. Specialistët e Seksionit të Hetimit të Krimeve në Komisariatin e Policisë Nr. 2, në vijim të punës për goditjen e aktivitetit kriminal në fushën e prodhimit dhe shpërndarjes së lëndëve narkotike, pas një pune të mirëfilltë hetimore, bazuar dhe në të dhënat e grumbulluara në rrugë operative, se një shtetas posedonte dhe shpërndante lëndë narkotike cannabis sativa në zonën e Shushicës, organizuan dhe finalizuan me sukses operacionin policor të koduar “Finish”, në kuadër të të cilit u bë kapja dhe arrestimi në flagrancë i shtetasit: J. H., 31 vjeç, banues në Tiranë. Gjatë kontrollit të banesës së këtij shtetasi, në rrugën “Gjin Kuqali”, shërbimet e Policisë, gjetën dhe sekuestruan në cilësinë e provës materiale një sasi lënde narkotike të ndarë në dhjetëra doza, një shumë parash që dyshohet se është përfituar nga ky aktivitet i paligjshëm, tre aparate celulare dhe një peshore elektronike. Materialet i kaluan Prokurorisë së Rrethit Gjyqësor Tiranë, për veprime të mëtejshme, për veprën penale “Prodhimi dhe shitja e lëndëve narkotike”.

(d.d/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet finish tirane finish tirane

Sondazh

Poll

MË SHUMË