Bota

Mbretëria e Bashkuar vendos më shumë sanksione për biznese dhe individë rusë

24 Mars 2022, 11:24 Nga DOSJA

Mbretëria e Bashkuar vendos më shumë sanksione për biznese

UKRAINË– Rreth 65 sanksione të tjera janë njoftuar nga Mbretëria e Bashkuar këtë mëngjes, duke përfshirë grupin Wagner, i cili thuhet se ishte punësuar për të vrarë presidentin Zelenskyy, dhe Hekurudhat Ruse. Kjo do të thotë se më shumë se 1000 rusë dhe individë janë sanksionuar tani nga MB.

Sipas Skynews, Alfa Bank dhe Gazprombank janë ndër bizneset e reja të sanksionuara, si dhe CEO i Sberbank dhe njerka e Sergei Lavrov.

“Këta oligarkë, biznese dhe banditë të punësuar janë bashkëpunëtorë në vrasjen e civilëve të pafajshëm dhe është e drejtë që ata të paguajnë çmimin. ”-thaSekretarja e Jashtme, Liz Truss.

Ajo shtoi se vendet europiane duhet të jenë të bashkuara dhe të shtrëngojnë ekonominë ruse për të arritur dështimin e saj në luftën në Ukrainë.

“Putini nuk duhet të ketë iluzione, ne jemi të bashkuar me aleatët tanë dhe do të vazhdojmë të shtrëngojmë vidën mbi ekonominë ruse për të siguruar që ai të dështojë në Ukrainë. Nuk do të ketë asnjë lëshim“. -shtoi ajo.

Mbretëria e Bashkuar ka sanksionuar më parë pronarin e Chelsea, Roman Abramovich, ka ndaluar linjat ajrore dhe avionët rusë që fluturojnë mbi ose në MB dhe ka vendosur kufizime për shumicën e njerëzve të përfshirë në Kremlinin dhe Dumën ruse.

LAJMI KRYESOR: 1 Muaj luftë! Rusët luftojnë për çdo rrugë në Mariupol, takohen liderët në Bruksel

(d.a/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

bota bota liz truss sanksionet ndaj rusise liz truss sanksionet ndaj rusise