Bota

Vdekja e Albright, Osmani: E tronditur, mikja e madhe e shqiptarëve iku sot

23 Mars 2022, 19:22 Nga DOSJA

Vdekja e Albright, Osmani: E tronditur, mikja e madhe e shqiptarëve iku sot

KOSOVË– Presidentja e Kosovës, Vjosa Osmani ka reaguar për vdekjen e ish-sekretares së shtetit të Shteteve të Bashkuara të Amerikës, Madeleine Albright. Në një postim në Facebook, Osmani shkruan se Albright ishte një mike e madhe e shqiptarëve dhe se ajo është tronditur kur ka marrë vesh lajmin. Presidentja e Kosovës kujton se si ish-Sekeretarja e Shtetit i dha shpresë Kosovës, kur nuk e kishin atë.

“E tronditur thellësisht nga humbja e mikes së madhe të Kosovës, Madeleine Albright, ish- sekretare e Shtetit të SHBA-ve. Ajo na dha shpresë, kur nuk e kishim atë, u bë zëri ynë e krahu ynë kur nuk kishim as zë e as krah. E njohu dhimbjen e popullin tonë sepse edhe vet e kishte përjetuar persekutimin qysh në fëmijëri, prandaj qëndroi e vendosur kundër Millosheviqit deri në ndaljen e gjenocidit të tij në Kosovë. E përkrahi parreshtur Kosovën deri në frymën e fundit, prandaj populli i Kosovës do ta kujtojë përjetësisht. Modeli i saj i një heroine të pamposhtur, guximtare e të vendosur për të mbjellur vlerat demokratike në çdo vend, do të mbetet përherë modeli që do e ndjekim ne që patëm fatin ta njohim si dhe shumë breza pas nesh,”- shkruan Osmani.

Madeleine Albright, gruaja e parë sekretare e shtetit të SHBA-së dhe mike e madhe e shqiptarëve, e cila ndihmoi në drejtimin e politikës së jashtme perëndimore pas Luftës së Ftohtë ndërroi jetë sot në moshën 84-vjeçare. Falë saj, Kosova pa ditën e çlirimit nga gjenocidi serb pas nënshkrimit të marrëveshjes së Rambujës.

(F.m/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

diaspora rajoni vdes madeleine albright vjosa osmani vdes madeleine albright vjosa osmani