Bota

Ish-presidentja kroate: E kam parashikuar agresionin e Putin ndaj Ukrainës

20 Mars 2022, 17:08 Nga DOSJA

Ish-presidentja kroate: E kam parashikuar agresionin e Putin ndaj Ukrainës

KROACI- E përditshmja suedeze Dagens Nyheter publikoi të shtunën një bisedë të gjatë me ish-presidenten kroate Kolinda Grabar-Kitaroviç, duke e paraqitur atë si një pasuese të mundshme të Sekretarit të Përgjithshëm të NATO-s, Jens Stoltenberg. Nacional shkruan se Stotlenberg do të lërë postin e tij në NATO vitin e ardhshëm, pas tetë vitesh, dhe do të bëhet guvernator i Bankës Qendrore Norvegjeze, ndërsa spekulohet se do të pasohet nga një grua nga një shtet i Evropës Lindore.

Në një intervistë për Dagens Nyheter, Grabar-Kitarović nuk ka dashur të komentojë spekulimet e mediave se ajo mund të bëhet Sekretare e Përgjithshme e NATO-s, por theksoi se i pëlqente të punonte si Ndihmës Sekretare e Përgjithshme për Diplomacinë Publike nga viti 2011 deri në 2014.

Ish-presidentja kroate theksoi se ajo kishte vënë në dukje prej kohësh agresionin e Rusisë kundër Ukrainës dhe paralajmëroi mundësinë e një krize globale.

“Fatkeqësisht, kjo është pikërisht ajo që ndodhi. Mendoj se kishte një farë naiviteti në të menduarit. Ajo që Putini donte ishte mjaft e qartë në manifestin e tij politik të vitit 2000, i cili përmendte rivendosjen e fuqisë ekonomike dhe pozitës së Rusisë në botë. Ngjarjet në Gjeorgji dhe Krime më vonë bënë të ditur se çfarë do të ndodhte. Gjatë takimeve të mia me të, ai ishte normal dhe i respektueshëm.

Diskutuam për çështje dypalëshe, por edhe për situatën rajonale në Evropën Juglindore. Ne folëm ndër të tjera për Agrokor, një kompani që zotërohej në shumicë nga bankat ruse dhe kërcënohej me kolapsin dhe krijimin e krizës në Kroaci. “Në atë, por edhe në disa çështje të tjera rajonale, Putini ishte konstruktiv dhe dha një zgjidhje”, tha ish-presidenti kroat, duke shtuar se kishte fusha ku ata “nuk ishin dakord thellë” – ku përfshihej edhe zgjerimi i NATO-s,” tha Grabar-Kitarović.

LAJMI KRYESOR/ Dita e 25-të/847 viktima nga fillimi i luftës, Zelenskyy: Rusia po bën krime lufte

(I.A/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

bota bota jens stoltenberg kolinda grabar-kitarovic lufta ukraine-rusi jens stoltenberg kolinda grabar-kitarovic lufta ukraine-rusi