Bota

Rusia largohet nga Këshilli i Europës

15 Mars 2022, 17:20 Nga DOSJA

MOSKË– Rusia u largua nga Këshilli i Evropës! Pyotr Tolstoy, kreu i delegacionit rus në Asamblenë Parlamentare të Këshillit, tha në kanalin e tij Telegram se ai kishte dorëzuar një letër nga ministri i Jashtëm Sergei Lavrov ku njoftonte vendimin e Moskës. Këshilli i Evropës, i cili ka për qëllim të mbrojë të drejtat e njeriut dhe sundimin e ligjit e kishte pezulluar Rusinë më 25 shkurt, një ditë pasi pushtoi Ukrainën.

Kremlini zyrtar tha muajin e kaluar se pezullimi i Rusisë ishte i padrejtë. Rusia e përshkruan pushtimin e saj në Ukrainë si një “operacion special” për të çmilitarizuar dhe “denazifikuar” Ukrainën dhe për të parandaluar një gjenocid ndaj rusishtfolësve. Ndërkohë që Ukraina dhe aleatët perëndimorë e quajnë këtë një pretekst të pabazë për një luftë të zgjedhur.

Këshilli u themelua në vitin 1949 në një përpjekje për të mbrojtur të drejtat e njeriut në rendin e pasluftës të Evropës duke hartuar Konventën Evropiane për të Drejtat e Njeriut, e cila nga ana e saj themeloi Gjykatën Evropiane të të Drejtave të Njeriut. Rusia iu bashkua në 1996.

LAJMI KRYESOR: Lufta! Shpërthime në Kiev, rinisin bisedimet dypalëshe, Zelensky BE-së: Rusia po vjen te ju

(k.m/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

bota bota