Aktualitet

Durrës/ Mashtronin të huaj përmes Call Center, në pranga 36-vjeçari, nën hetim 3 të tjerë

11 Mars 2022, 10:42 Nga DOSJA
Durrës/ Mashtronin të huaj përmes Call Center, në pranga

DURRËS– Një 36-vjeçar ka rënë në prangat e policisë ditën e sotme në Durrës, pasi akuzohet se mashtronte shtetas të huaj përmes Call Center, duke marrë shuma të mëdha parash. Në pranga ka përfunduar 36-vjeçari L.K. Në kuadër të operacionit “Call me 2”, përveç të arrestuarit, nën hetim ka përfunduar edhe tre persona të tjerë, bashkëpunëtorë me të, të identifikuar me inicialet: H. K., G. H. dhe A. D. në bashkëpunim me njëri-tjetrin, ata kryenin mashtrime dhe transaksione financiare, duke përfituar shuma të konsiderueshme parash, nën mbulimin e aktivitetit si call center.

NJOFTIMI I PLOTË:

Durrës

Finalizohet operacioni policor i koduar “Call me 2”. Goditet një tjetër rast i përfitimit të shumave të mëdha monetare nëpërmjet mashtrimeve me anë të platformave elektronike. Vihet në pranga 36-vjeçari që kryente këtë veprimtari kriminale, duke e mbuluar me aktivitetin e call center. Procedohen penalisht 3 shtetas. Në vijim të operacionit policor të koduar Call me”, specialistët e Seksionit për Hetimin e Krimit Ekonomik e Financiar në DVP Durrës, në bazë të informacioneve të marra në rrugë operative nga Seksioni kundër Krimit Ekonomik dhe Financiar, organizuan dhe finalizuan operacionin policor të koduar “Call me 2”, në kuadër të të cilit u bë kapja dhe arrestimi i shtetasit L. K., 36 vjeç, banues në Durrës.

Arrestimi i tij u bë pasi, nëpërmjet platformave të ndryshme elektronike, kryente mashtrime dhe transaksione financiare, duke përfituar shuma të konsiderueshme parash, nën mbulimin e aktivitetit si call center. Gjithashtu janë proceduar në gjendje të lirë shtetasit H. K., G. H. dhe A. D. Në bashkëpunim me Prokurorinë e Rrethit Gjyqësor Durrës vijon puna për dokumentimin e plotë ligjor, si dhe për identifikimin dhe kapjen e personave të tjerë të përfshirë në këtë veprimtari kriminale. Materialet u referuan në Prokurorinë pranë Gjykatës së Shkallës së Parë Durrës, për veprat penale “Mashtrimi kompjuterik”, “Ushtrimi pa licencë i veprimtarive financiare”, “Fshehja e atë ardhurave” dhe “Pastrimi i produkteve të veprës penale ose veprimtarisë kriminale”.

(k.m/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet durres operacioni "call me 2" durres operacioni "call me 2"

Sondazh

Poll

MË SHUMË