Bota

REPORTAZH nga KIEVI: Me postblloqe e pushkë, burrat përgatiten për mbërritjen e rusëve

1 Mars 2022, 19:44 Nga DOSJA
REPORTAZH nga KIEVI: Me postblloqe e pushkë, burrat përgatiten

KIEV– Një udhëtim në qendër të Kievit nuk lë vend për dyshime; qyteti po përgatitet për një sulm të fortë nga Rusia. Reshtat e paneleve të betonit të rregulluara në formacione të ngjajnë me labirinte. Ushtarët kanë vendosur blloqe rrugore antitank; grumbuj thasësh me rërë; barriera të improvizuara të ndërtuara nga copa metali, druri, goma të vjetra ose çdo gjë që ishte në dorë. Dhe kudo që shikoni, ka flamuj ukrainas blu dhe të verdhë. Qyteti është jashtëzakonisht i qetë. Shumë njerëz kanë ikur ditët e fundit. Ata që kanë qëndruar janë ngujuar në depo dhe në vend të sigurt për të mos u lënduar nga bombat, duke shfrytëzuar bodrumet dhe stacionet e metrove.

Pikat e kontrollit të vendosura përgjatë pikave të hyrjes së qytetit drejtohen nga ukrainas të zakonshëm. Ata nuk janë ushtarë. Një javë më parë, shumë nga këta burra do të kishin qenë në punë ose do të kishin shijuar pushimet me miqtë dhe familjet e tyre. Tani, ata janë gati të mbrojnë kryeqytetin e vendit të tyre.

Oleksiy Goncharenko po ruante një nga postblloqet në Kiev të martën, i armatosur me pushkën që mori javën e kaluar pasi iu përgjigj thirrjes nga autoritetet ukrainase për t’u përgatitur për të mbrojtur vendin. Ishte shumë ftohtë dhe Goncharenko punonte me turne, bashkë me vullnetarë të tjerë. Kur nuk është në pikën e kontrollit, ai thotë se është në bazë, duke ndihmuar kudo që mundet: shpërndan ndihmat humanitare, shpërndan civilët, shkëmben informacione. Goncharenko nuk është – dhe nuk ka qenë kurrë – një ushtarak. Ai është anëtar i Verkhovna Rada, parti në parlamentin ukrainas.

“Unë nuk jam aspak një ushtar profesionist, por mund të përpiqem dhe mund të bëj më të mirën. Do bëj çmos që forcat ruse të mos hyjnë në Kiev,”- tha ai për CNN.

Shumica e burrave në postblloqe janë duke buzëqeshur. Kur kalon një makinë, ata përshëndesin pasagjerët e saj, përshëndesin me dorë dhe u urojnë udhëtim të sigurt, kudo që të shkojnë. Burrat këtu po përpiqen të mbajnë moralin lartë, megjithëse e dinë shumë mirë se armiku me të cilin po përballen është shumë më i pajisur me armë se ta. Ndërkohë Rusia ka grumbulluar një kolonë ushtarake 40 milje (64 kilometra) — e përbërë nga automjete të blinduara, tanke, artileri tërheqëse dhe mjete të tjera logjistike — që po i afrohet periferisë së Kievit. Shumica — por jo të gjithë — e burrave në rrugët e kryeqytetit janë të pajisur me pushkë. Ata janë vendosur përgjatë rrugës që lidh qendrën e qytetit të Kievit me periferitë e tij.

Shiritat e krahut të krijuar nga një copë shirit të verdhë tregojnë se ato janë pjesë e Forcave të Mbrojtjes Territoriale, një degë e forcave të armatosura të Ukrainës që përbëhet kryesisht nga vullnetarë. Dhjetëra mijëra i janë bashkuar kësaj nisme ditët e fundit. Në mot të ftohtë të ftohtë, mbrojtësit e qytetit — së bashku me të gjithë të tjerët në Kiev — presin gjithçka që do të ndodhë. Gati dhe me armë në duar!

Marrë dhe përkthyer nga CNN

LAJMI KRYESOR: Lufta/ S’ka armëpushim, 70 ushtarë ukrainas të vrarë, Rusia humb 5170 trupa, synohet Kievi

(k.m/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

bota bota lufta ukraine-rusi oleksiy goncharenko lufta ukraine-rusi oleksiy goncharenko

Sondazh

Poll

MË SHUMË