Aktualitet

Subvencionet/Fermerët protestë:Na rimbursoni,një kafe kushton më shumë se një litër qumësht

20 Shkurt 2022, 08:54 Nga DOSJA
Subvencionet/Fermerët protestë:Na rimbursoni,një kafe kushton

FIER– Fermerët e Lushnjes, Beratit dhe Fierit janë mbledhur sërish për të protestuar sot kundër politikave të qeverisë, që i ka lënë në mëshirë të fatit. Me pankarta në duar: Një kafe 80 lekë, një litër qumësht 40 lekë!, fermerët kanë ngritur sërish sot zërin kundër skemës subvencionale që siguron qeveria për të gjithë fermerët në vend, duke i lënë në mëshirë të fatit, të dërrmuar nga “Open Ballkan”. Sëbashku me blegtorët ata protestuan pranë ‘Urës së Kuçit’ duke bllokuar rrugën nacionale Lushnjë- Berat, duke i bërë të qarta kërkesat e tyre për Ministria e Bujqësisë dhe qeverinë!

Të gjithë ata kërkojnë subvencionim të drejtë, pasi sipas tyre skema aktuale po I dëmton. Sipas tyre, skema e re nuk i mbështet pasi duhet të vuajnë edhe rritjen e çmimeve të plehave kimik, ndërsa radhisin edhe rritjen e çmimit të naftës që po kap 200 lekë të reja për litër. Megjithatë sot nuk ishte mbledhur vetëm fermerët e zonës së Myzeqesë, por në mbështetje iu bashkuan edhe ‘bashkëvuajtës’ të tjerë nga Kurbini, që kanë të njëjtat probleme. Po ashtu, ipranishëm në protestë ishte edhe Ervin Resuli, president i Shoqatës për Mbrojtjen e Konsumatorëve dhe Prodhuesit Vendor Shqiptar. Në fjalën e tij për mediat e pranishme, Resuli tha se shteti duhet të rishikonte buxhetin për bujqësinë, si edhe riorganziojë skemat për fermerët.

Fermerët kërkojnë rritjen e buxhetit të shtetit për bujqësinë, rimbursimin për njësi prodhimi për kulturat bujqësore, rimburësim për çdo litër qumësht, ulje të çmimit të naftës. Ata janë kundër skemës që nuk i konsideron fermerët e vegjël deri në 10 krerë lopë, apo atyre të gjedhëve të imta deri në 100 krerë, e që gjithashtu i përjashton mbjellësit e serave deri në 1 hektar. Me këto kufizime, gati 60% e fermerëve që prodhojnë për konsumatorin shqiptar janë të përjashtuar nga skema mbështetëse duke u lënë në mëshirë të fatit, duke e bërë të pamundur që të konkurrojnë as me tregun vendas e jo më me atë të rajonit.

Për më tepër që qeveria në vend që të ndihmojë fermerët, liron taksën për qumështin pluhur, ndërkohë që Serbia dhe Maqedonia e Veriut importojnë në emër të Ballkanit të Hapur. E ndërsa fermerët protestojnë, ministrja e Bujqësisë, Frida Krifca as që e ka marrë mundimin që të takohet me ta për të gjetur një zgjidhje, ndërsa të njëjtën sjellje kanë edhe deputetët e zonës nga të dy palët politike.

ZHVILLIMET ORË PAS ORE:

Protesta e fermerëve, Resuli: Fermerët dy rrugë kanë, protestat ose të largohen nga vendi

Fermerët në “krizë”/ Protestë në Fier dhe Berat, akuza qeverisë: I kemi votuar, na gënjyen!

Nis protesta në Urën e Kuçit, fermerët dalin në rrugë me pankarta në duar

(k.m/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet protesta e fermereve 20 shkurt 2022 protesta e fermereve 20 shkurt 2022

Sondazh

Poll

MË SHUMË