Aktualitet

Mashtrime me karta bankare, arrestohet një 33-vjeçare, procedohet bashkëpunëtorja e saj

14 Shkurt 2022, 08:02 Nga DOSJA
Mashtrime me karta bankare, arrestohet një 33-vjeçare, procedohet

TIRANË – Sektori për Hetimin e Krimit Kibernetik në Policinë Kriminale arrestoi sot 33-vjeçaren Junida Muharremaj në Tiranë dhe procedoi një bashkëpunëtoren e saj M.M., 35 vjeçe pasi kryenin blerje të telefonave duke përdorur në mënyrë të paligjshme të dhënat e kartave bankare të qytetarëve të ndryshëm. Grupi hetimor i çështjes dyshon se Muharremaj ka blerë dhe produkte nga kompanitë e tjera në rrugë online. Në cilësinë e provave materiale, policia sekuestroi: 2 telefona celular të markës iPhone, karta të ndryshme dhe dokumente dhe fatura të ndryshme bankare. Ndaj tyre është ngritur akuza e “Mashtrimit kompjuterik”.

NJOFTIMI I POLICISË:

Finalizohet një tjetër operacion për goditjen e veprimtarisë kriminale në fushën e krimeve kibernetike.Arrestohet në flagrancë një shtetase, procedohet penalisht bashkëpunëtorja e saj.Njësia “C” për Hetimin e Krimeve Kibernetike në Drejtorinë Hetimore, në Departamentin e Policisë Kriminale, pasi ka marrë kallzimin nga një kompani e telefonisë së lëvizshme, ka kryer hetime të plota dhe të shpejta për veprën penale “Mashtrimi kompjuterik”.Pas kryerjes së hetimeve ka rezultuar se një shtetase, në bashkëpunim me një shtetase tjetër, brenda dhe jashtë territorrit të Republikës së Shqipërisë, ka përdorur të dhëna kartash bankare të cilat dyshohet se janë “vjedhur” nga shtetas të ndryshëm jashtë territorit të Republikës së Shqipërisë, me qëllim për të përfituar financiarisht duke blerë pajisje të telefonisë së lëvizshme.Njësia “C” për Hetimin e Krimeve Kibernetike finalizoi operacionin policor të koduar “POROSIA”, në kuadër të të cilit arrestoi në flagrancë, gjatë marrjes së pajisjes, shtetasen:– J. M., 33 vjeçe, banuese në Tiranë, e dyshuar për kryerjen e veprës penale “Mashtrimi kompjuterik”.Po ashtu, gjatë kryerjes së veprimeve hetimore u procedua në gjendje të lirë dhe shtetasja:– M. M., 35 vjeçe, banuese në Tiranë, e cila dyshohet si bashkëpuntore në kryerjen e veprës penale “Mashtrimi kompjuterik”.Gjatë kontrollit fizik dhe kontrollit në banesat e këtyre dy shtetasve, janë gjetur dhe sekuestruar në cilësinë e provës materiale:– Dy telefona celular të markës iPhone;– Karta të ndryshme;– Dokumente dhe fatura të ndryshme bankare.Nga hetimet e deritanishme ka rezultuar se shtetasja J. M. ka kryer blerje në shumën rreth 1.700.000 lekë, ndërkohë dyshimet janë se ka kryer dhe blerje të tjera në kompani të cilat shesin produkte në rrjet (online) dhe për këtë fakt hetimet janë në vazhdim.Aktualisht po punohet për zbardhjen e plotë të këtij aktiviteti kriminal.Materialet hetimore i kaluan Prokurorisë pranë Gjykatës së Shkallës së Parë Tiranë, për veprime të mëtejshme hetimore, për veprën penale “Mashtrim kompjuterik”.

ZHVILLIMET ORË PAS ORE:

Përdorte të dhënat e kartave bankare, kush është 33-vjeçarja që mashtroi qytetarët (EMRI)

(d.v/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet junida muharemaj junida muharremaj mashtrim me kartat bankare policia e tiranes junida muharemaj junida muharremaj mashtrim me kartat bankare policia e tiranes

Sondazh

Poll

MË SHUMË