Editorial

Për herë të parë në historinë e Shqipërisë, opozita djeg mandatet, vendi vetëm me maxhorancë

20 Shkurt 2019, 18:33 Nga DOSJA

TIRANË – Për herë të parë në historinë e pluralizmit partiak në Shqipëri, opozita e vendit ka djegur mandatet e saj duke e lënë vendin vetëm me Maxhorancë.

Ditën e sotme, Këshilli Kombëtar i PD-së ka vendosur unanimisht “pro” vendimit të djegies së mandateve të opozitës dhe aleatëve. Vendimit për djegien e mandateve i është bashkuar edhe LSI-ja dhe partitë e tjera aleate.

Por si veprohet në një situatë të tillë kur deputeti jep dorëheqjen nga mandati i tij? Çfarë parashikon ligji dhe si bëhet zëvendësimi i tyre?

Pas marrjes së vendimit, deputeti deklaron në mënyrë publike përpara komisionit përkatës të Kuvendit refuzimin për të bërë betimin ose heqjen dorë nga mandati. Në këtë rast Kuvendi, jo më vonë se 30 ditë, njofton KQZ-në për krijimin e vakancës.

Më pas, mandati i ndërprerë i deputetit të dorëhequr i kalon kandidatit vijues të listës së të njëjtës parti politike në zonën zgjedhore përkatëse.

KQZ-ja merr vendim për dhënien e mandatit kandidatit të radhës në listën e kandidatëve të regjistruar sipas nenit 67 të këtij Kodi. Vendimi i njoftohet kandidatit dhe botohet në Fletoren Zyrtare. Nëse kandidati i radhës nuk paraqitet në Kuvend brenda 30 ditëve nga njoftimi, pa shkaqe të përligjura, mandati i kalon kandidatit vijues të listës, sipas procedurës së parashikuar në pikën 1 ose 2 të këtij neni.

Më herët në një deklaratë për mediat, ish-kryetari i Komisionit Qendror të Zgjedhjeve, Kristaq Kume ka sqaruar se në një situatë të tillë vendet që ngelen bosh do t’u kalojnë partive me herësin më të madh.

“Plotësimi i vakancave nuk është e shprehur në Kod Zgjedhor por për analogji përdoret rasti kur vakanca krijohet largohet një deputet kur i pavarur. Nëse Kuvendi do të thërrasë emrat e radhës në listë dhe asnjëri nuk pranon, KQZ ia kalon mandatit subjektit zgjedhor me herësin më të madh. Është një teknikë legjislative, por problem s’duhet të trajtohet në këtë aspekt.”

Pas protestës së opozitës më 16 shkurt para Kryeministrisë, nga ana e partive opozitare në vend u vendos djegia e mandateve në mënyrë që në vend të krijohet një qeveri tranzitore (teknike), e cila do të organizojë zgjedhje të parakohshme vendore bashkë me ato lokale. Por vendimit “fisnik” i opozitës për t’u bërë njësh me popullin nuk është mbështetur nga ndërkombëtarët, të cilët e kanë cilsëuar një vendim të tillë si sabotues ndaj arritjeve të vendit në rrugën drejt BE-së.

Ende nuk dihet qëndrimi i maxhorancës mbi vendimin e opozitës shqiptare. Herën e fundit që Shqipëria kishte qeveri teknike, ishte në 18 maj 2017 pas marrëveshjes Rama-Basha. Ishte kreu i PD-së, Lulzim Basha i cili pas më shumë se 3 muajsh nga një çadër e ngritur në mes të sheshit “Nënë Tereza” bënte thirrje për qeveri teknike e cila do të siguronte mosmanipulimin e zgjedhjeve. Atëkohë thirrja iu pranua nga kryeministri Edi Rama. Tani që vendimi i opozitës dihet, sytë dhe veshët kthehen nga kryeministri Rama…

Tirana është boshatisur për ditët e pushimit. Cilën nga ritet e shenjta po ndiqni:

View Results

editorial editorial djegia e mandateve te opozites edi rama kuvendi lulzim basha monika kryemadhi opozita djeg mandatet zgjedhje te parakohshme vendore djegia e mandateve te opozites edi rama kuvendi lulzim basha monika kryemadhi opozita djeg mandatet zgjedhje te parakohshme vendore