Bota

Gazetari amerikan: Putin ka në plan të pushtojë Ukrainën javën e ardhshme

11 Shkurt 2022, 19:28 Nga DOSJA

Gazetari amerikan: Putin ka në plan të pushtojë Ukrainën

SHBA- Gazetari amerikan Nick Schifrin ka deklaruar se Presidenti rus Vladimir Putin ka vendosur që të pushtojë Ukrainën dhe se këtë vendim ja ka bërë të ditur ushtrisë ruse. Me anë të një postimi në Twitter, Schifrin shkruan se këtë gjë ia kanë konfirmuar zyrtarët perëndimorë të mbrojtjes. Sipas tij, SHBA-ja pret që pushtimi të nisë javën e ardhshme. Në postim gjithashtu shkruhet se pushtimi do të jetë i përgjakshëm, me bombardime ajrore e luftë elektronike.

Postimi i Plotë:

SHBA beson se presidenti rus Vladimir Putin ka vendosur të pushtojë Ukrainën dhe ia ka komunikuar këtë vendim ushtrisë ruse, më thonë tre zyrtarë perëndimorë dhe të mbrojtjes. SHBA pret që pushtimi të fillojë javën e ardhshme, më thonë gjashtë zyrtarë amerikanë dhe perëndimorë, siç më thonë Sekretari i Shtetit Antony Blinken. Zyrtarët amerikanë parashikojnë një fushatë të tmerrshme, të përgjakshme që fillon me dy ditë ose bombardime ajrore dhe luftë elektronike, e ndjekur nga një pushtim, me qëllimin e mundshëm të ndryshimit të regjimit.

US officials anticipate a horrific, bloody campaign that begins with two days or aerial bombardment and electronic warfare, followed by an invasion, with the possible goal of regime change.

— Nick Schifrin (@nickschifrin) February 11, 2022

Tensionet vijnë gati 8 vjet pasi Rusia aneksoi gadishullin jugor të Krimesë në Ukrainë dhe mbështeti një rebelim të përgjakshëm në rajonin lindor të Donbasit. Gjithashtu, Moska akuzon qeverinë ukrainase për dështimin në zbatimin e marrëveshjes së Minskut – një marrëveshje ndërkombëtare për të rivendosur paqen në lindje, ku rebelët e mbështetur nga Rusia kontrollojnë një pjesë të territorit. Së fundmi, Rusia po këmbëngul se Ukraina nuk duhet të lejohet të bashkohet me NATO-n. Në krah të Ukrainës ka nxituar të reshtohet SHBA, si mundësi për të treguar superioritet mbi Rusinë, e nga ana tjetër vendet e Europës janë të lëkundura lidhur me qëndrimin e tyre, megjithatë mbështetjen më të madhe e kanë drejtuar në Ukrainë.

(I.A/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

bota bota konflikti ukraine-rusi nick schifrin vladimir putin konflikti ukraine-rusi nick schifrin vladimir putin