Bota

Skandali në Izrael! Përgjime nga Policia, u përdor “Pegasus”, kush ishte shënjestra

18 Janar 2022, 15:51 Nga DOSJA

Skandali në Izrael! Përgjime nga Policia, u përdor

JERUSALEM– Policia izraelite dyshohet se ka kryer përgjime telefonike pa leje të qytetarëve izraelitë, duke përfshirë politikanë dhe aktivistë. E gjitha duke përdorur programin “Pegasus”. Lajmi është publikuar nga media izraelite e biznesit “Calcalist”. Objektivat e përgjimeve ishin kryebashkiakët dhe drejtuesit e protestave politike kundër ish-kryeministrit Benjamin Netanyahu dhe ish-punonjës të qeverisë.

Sipas raportit, përgjimi është bërë pa lejen e gjykatës, e domosdoshme për të ndërhyrë në privatësinë e qytetarëve izraelitë, e pa monitorimin ër të mësuar se si janë ndarë të dhënat. Megjthatë pretendimet janë mohuar në mënyrë eksplicite nga shërbimi policor izraelit dhe nga një ministër i qeverisë. Edhe pse media ka siguruar edhe faturën prej 635,000 £ që ka kushtuar përdorimi i programit.

Ndërsa raporte të shumta janë shfaqur mbi keqpërdorimin e Pegasus, i cili është projektuar dhe shitur nga grupi NSO i Izraelit tek qeveritë e huaja, pretendimet e fundit shënojnë një largim të madh në sugjerimin se izraelitët ishin gjithashtu në shënjestër për përgjim. Zyrtarë të lartë të NSO-së kanë pohuar se softueri i saj nuk ishte i autorizuar për përdorim ndaj numrave të telefonit izraelit dhe amerikan. Madje korrikun e kaluar, në një intervistë me Radio Army të Izraelit, CEO Shalev Hulio, tha se firma e tij kishte zgjedhur që të mos operonte kundër numrave të telefonit izraelit dhe amerikan.

Sipas “The Guardian” kjo nënkupton se kjo kompani e ka shitur programin tek palë të treta për të marrë përgjimet e nevojshme. Po ashtu, pretendohet se urdhri për përdorimin e programit është dhënë nga oficerë të lartë dhe është kryer nga specialistë të përgjimit elektronik të policisë. Por në fakt duket se kanë rënë brenda “më këmbët e veta” pasi përgjime që nuk dihet se si janë siguruar janë përdorur në gjykatë për të hetuar një kryebashkiak që akuzohej për korrupsion.

Marrë nga The Guardian

(k.m/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

bota bota izrael programi pegasus izrael programi pegasus