Politike

Protestat e Berishës, Bardhi: Do të merren masat, kush kryen krime do ndëshkohet

15 Janar 2022, 17:39 Nga DOSJA

Protestat e Berishës, Bardhi: Do të merren masat, kush kryen krime do

Numri 2 i Partisë Demokratike, Gazment Bardhi, i ftuar në emisionin “Kjo Javë”, të gazetares Nisida Tufa, deklaroi se do të ndërmarrin të gjitha hapat e nevojshme, organizative dhe ligjore, nëse ish-kryeministri Sali Berisha do të deklarojë protestën e ardhshme.

“Të gjitha masat ligjore dhe organizative për të shmangur dëmtimin apo sulmin e pa precedentë që ndodhi në 8 janar. Do të marrim të gjitha masat. Padiskutim do të thërrasim edhe policinë. Kush kryen krim, të gjithë duhet të ndëshkohen”, u shpreh Bardhi.

Sakaq, Bardhi tha se nuk kishte asnjë informacion lidhur me ndërtimin e kullave në selinë e PD. Ai tha se pas deklaratave të zotit Berisha mbi këtë çështje, ka kërkuar informacion në Bashkinë e Tiranës lidhur me këtë projekt, por deri më tani, nuk ka marrë asnjë përgjigje. Ai siguroi demokratët, se kontrata me shtetin shqiptar do të vijojë të respektohet dhe godina do i mbetet PD.

“Ditën e djeshme kam paraqitur një kërkesë se si projekt ekziston në Bashkinë e Tiranës. Dje kam përgatitur një kërkesë për të marrë informacion se për çfarë projekti bëhet fjalë. Dua të sqaroj shqiptarët, se sipas planit ndërtimor, zona është zonë institucionale e nuk lejohet ndërtimi i kullave. Për t’i paraprirë kësaj afere që në dukje duket aferë e pastër korruptive, kam kërkuar informacion zyrtar dhe do e ndjek këtë në rrugë institucionale. E vërteta është që nuk ka asnjë projekt për të cilën PD të ketë në dijeni në selinë e saj qendrore. Ne kemi një kontratë me shtetin shqiptar e ne asaj do i qëndrojmë deri në fund, ajo është e do të vijojë të jetë selia e PD”, tha Bardhi.

Marre nga Balkanweb

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

politike politike gazment bardhi perplasje ne partine demokratike gazment bardhi perplasje ne partine demokratike