Sport

Nga 3-1 në 3-4/ Juve, çfarë përmbysje! Roma e Mourinhos “shkërmoqet” për 7 minuta

9 Janar 2022, 19:39 Nga DOSJA

Nga 3-1 në 3-4/ Juve, çfarë përmbysje! Roma e Mourinhos

ITALI- Roma drejtuar nga Jose Mourinho tregon edhe një herë problemet që ka në fushën e lojës. Pas humbjes ndaj Milanit, edhe këtë herë verdhezinjtë munden nga Juventusi në Olimpico me shifrat 3-4. Një ndeshje që garantoi spektakël dhe emocione të forta. Festivali i golave do të niste fillimisht për vendasit, kur Abraham në minutën e 11′ shënoi golin e avantazhit. Sulmuesi anglez u tregua i saktë në atë goditje me kokë.

Festa nuk zgjati shumë sepse shtatë minuta më vonë Juventus barazoi me Dybalan. Argjentinasi u tregua i saktë nga pika e bardhë e penalltisë. Pjesa e parë u mbyll në barazim, ndërsa në të dytën, Mkhytarian në minutën e 48′ dhe Pellegrini nga goditja e dënimit në 53′ shënuan për Romën. Çdo gjë u duk e përfunduar dhe se romakët do të arkivonin tri pikët, por nuk rezultoi kështu. Juventus tregoi zemër e krenari.

Për shtatë minuta bardhezinjtë shënuan tri herë me Locatellin në 70′, Kulusevskin në 74′ dhe De Sciglio në 77′. Ndeshja u komplikua jo pak për skuadrën e Allegrit kur në minutën e 81′ De Ligt preku një top me dorë brenda zone dhe mori kartonin e dytë të verdhë.

Penalltinë e mori përsipër Pellegrini por u tregua i pasaktë. Juventus e mbrojti rezultatin deri në fund dhe shkon në vendin e 5-të në kuotën e 38 pikëve, ndërsa telashet janë të gjitha për Romën që ndodhet jashtë çdo lloj objektivi, në vendin e 8 në kuotën e 32 pikëve.

E.Ç (Dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

sport sport juventus mourinho roma juventus mourinho roma