Aktualitet

Shqipëria në KS të OKB-së, mediat serbe: Do e shfrytëzojnë për njohjen e Kosovës

1 Janar 2022, 16:42 Nga DOSJA

Shqipëria në KS të OKB-së, mediat serbe: Do e

SERBI- Mediat serbe i kanë kushtuar një artikull anëtarësisë së Shqipërisë në Këshillin e Sigurimit në OKB. Në shkrimin e Alo.rs shkruhet se Tirana do ta shfrytëzoj këtë mundësi për të avancuar në çështjen e Kosovës. Gjithashtu në shkrim janë futur disa nga citimet e Ministres së Jashtme Olta Xhaccka, në lidhje me procesin e njohjes së Kosovës.

Artikulli i Plotë:

Shqipëria është bërë prej ditës së sotme një anëtare jo e përhershme e Këshillit të Sigurimit të Kombeve të Bashkuara dhe ministrja e Jashtme e vendit, Olta Xhaçka, ka bërë të ditur se Tirana do ta shfrytëzojë këtë moment për të “ avancuar çështjen e Kosovës”.

Ministrja e Jashtme e Shqipërisë tha se “kjo arritje është diçka për të cilën duhet të krenohet çdo shqiptar kudo në botë”.

“Duke filluar nga vëllezërit dhe motrat tona në Kosovë, sepse Shqipëria padyshim që do ta shfrytëzojë këtë mundësi për të avancuar çështjen e Kosovës, procesin e njohjeve dhe anëtarësimit në organizatat ndërkombëtare, sepse Kosova ishte, është dhe do të jetë një gjë e shenjtë për Shqipërinë”, tha Xhaka.

Ajo theksoi se Shqipëria do të punojë për shqiptarët, por edhe për rajonin, për të konsoliduar arritjet e dekadave të fundit dhe për të mos rrëshqitur drejt destabilizimit dhe tensioneve.

“Ne do të punojmë me aleatët dhe partnerët tanë për të çuar së bashku axhendën e prioriteteve tona të përbashkëta, të cilat do të konsolidojnë më tej lidhjet e forta që na bashkojnë”, tha Xhaka.

Mediat shtojnë se karrigia për Shqipërinë në Këshillin e Sigurimit të OKB-së është një sfidë e madhe, por edhe një mundësi e madhe për atë vend dhe mund të konsiderohet si një nga arritjet më të mëdha të diplomacisë shqiptare. Shqipëria mori për herë të parë statusin e anëtarit jo të përhershëm të Këshillit të Sigurimit të OKB-së dhe mandati i saj do të zgjasë deri më 31 dhjetor 2023.

LAJMI KRYESOR: Shqipëria nis mandatin si anëtare e përkohshme e Këshillit të Sigurimit të OKB

(I.A/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet mediat serbe shqiperia ne okb mediat serbe shqiperia ne okb