TIRANË– Bashkitë e opozitës i janë përgjigjur vendimit të Kolegjit Zgjedhor për rrëzimin e dekretit të presidentit Ilir Meta për anulimin e zgjedhjeve lokale.
Me anë të një reagimi zyrtar, bashkitë opozitare njëzëri janë shprehur se nuk tërhiqen nga vendimi për të mos zhvilluar zgjedhjet në 30 qershor me pretendimin se zbatojnë dekretin e Metës.
Në njoftimin e tyre, krerët e bashkive kanë bërë thirrje për të liruar çdo ambjent deri më 27 qershor në të kundër materialet e paligjshme të KQZ-së do të asgjesohen.
“Këtë njoftim po e bëjmë për efekt të detyrimit që ju keni për të mos çuar dëm materialet zgjedhore, sepse zaptimi i ambienteve tona me material, që nuk janë të autorizuara nga ne të futen brenda, do të shkaktojë asgjesimin e tyre të menjëhershëm, në funksion të lirimit të ambienteve, për realizimin e aktiviteteve të qytetarëve,”-shkruhet në deklaratën e bashkive opozitare.
REAGIMI I PLOTË:
Bashkitë që janë nën drejtimin e opozitës kanë vënë në dijeni Komisionin Qendror të Zgjedhjeve se asnjë vendim i paligjshëm i këtij Komisioni nuk do t’i pengojë ato të marrin nën administrim ambientet në pronësinë e tyre, të zëna nga komisionet e administrimit zonal dhe grupet e numërimit. Bashkitë që drejtohen nga opozita i kanë dërguar të njëjtën shkresë njëkohësisht KQZ-së, ku vihet në dukje se i vetmi vendim për zgjedhjet, me fuqi ligjore, është dekreti i presidentit, që ka shfuqizuar datën 30 Qershor.
Duke shprehur vendosmërinë për zbatimin e këtij dekreti në shkresën e bashkive të opozitës thuhet marrja nga KQZ e kompetencave të Gjykatës Kushtetuese, çka po cënon sigurinë dhe stabilitetin demokratik në vend, nuk do të thotë që njësitë e qeverisjes vendore ta ndjekin pas KQZ-në në këtë absurd kushtetues.
“Ju bëjmë me dije se ne jemi të vendosur që të marrim nën administrim ambientet, ku janë vendosur KZAZ dhe GNV, pa asnjë tolerim, pavarësisht pengesave të paligjshme që na janë krijuar nga Policia e Shtetit në të shkuarën.”- thuhet në shkresën e bashkive të opozitës, që përbëjnë gati gjysmën e bashkive të vendit.
Gjithashtu, kryebashkiakët, njoftojnë Komisionin Qendror të Zgjedhjeve se “në datat 27 Qershor deri në 2 Korrik, ambientet që ishin vënë në dispozicion për zgjedhjet, përpara shfuqizimit të datës 30 qershor nga Presidenti, do të jenë në dispozicion të qytetarëve për aktivitete të ndryshme artistike, kulturore dhe letrare, që do të organizohen nga bshkitë apo për tubime të tjera”
Duke iu referuar Kodit Zgjedhor, kryebashkiakët njoftojnë KQZ-në se kanë shfuqizuar aktet me të cilat kanë dërguar listën e zgjedhësve pranë KZAZ-ve, si dhe aktet për vendet e qendrave të votimit në bashkitë e tyre, ku nuk do të lejohet vendosja e asnjë material zgjedhor, si dhe aket e propozimit për qendrat e votimit në ambjentet private.
“Këtë njoftim po e bëjmë për efekt të detyrimit që ju keni për të mos çuar dëm materialet zgjedhore, sepse zaptimi i ambienteve tona me material, që nuk janë të autorizuara nga ne të futen brenda, do të shkaktojë asgjesimin e tyre të menjëhershëm, në funksion të lirimit të ambienteve, për realizimin e aktiviteteve të qytetarëve”-thihet në shkresën e kryebashkiakëve. Ata shprehen se KQZ po vepron në paligjshmëri, kur i referon bashkitë të zbatojnë e rezolutën e Parlamentit, një akt me natyrë jo detyruese, dhe jo dekretin e Presidentit, akt me natyrë detyruese dhe i vetmi në fuqi nëlidhje me zgjedhjet.
Në shkresë lexohet qartë ironia me dy prej anëtarëve të KQZ-së, me Edlira Jorgaqin, e cila në një seancë në Gjykatën Kushtetuese deklaroi se “Kushtetuta mund të ndryshohet me vendim qeverie”, si dhe me Denar Bibën, i cili citohet në bisedën që shantazhonte në emër të qeverisë anëtarin e Gjykatën që të pranonte ofertën ose “do t’i ikte treni”.
Kryebashkiakët akuzojnë anëtaret e KQZ se po cënojnë rëndë autonominë vendore dhe kompetencat kushtetuese të njësive të qeverisjes vendore. “Ju mund të ndryshoni Kushtetutën me vendim Qeverie, por KQZ nuk është “superorgani” që drejton shtetin dhe as “treni që ndalon në stacionin e duhur” për të orientuar sjelljen institucionale të organeve kushtetuese.”- thuhet në shkresë.
Kryebashkiakët thonë hapur se duke mos zbatuar dekretin e Presidentit, gjë për të cilën do të mbajnë përgjegjësi personale, anëtarët e zgjedhur nga PS, e kanë shndërruar Komisionin Qendror të Zgjedhjeve në Komisionin e Garancive Statutore të Partisë Socialiste. “Në të ardhmen, ju lutem na kurseni kohën me shkresa e ultimatume të kota, sepse as nuk na impresiononi dhe as nuk e realizoni dot objektivin tuaj për të na intimiduar në ushtrimin me përgjegjshmëri të përgjegjësive tona kushtetuese e ligjore”- thuhet në shkresën e kryebashkiakëve të drejtuar nga opozita.
Ditën e djeshme Kolegji Zgjedhor rrëzoi dekretin e Metës për shtyrjen e zgjedhjeve lokale, të cilat do të zhvillohen pa pjesëmarrjen e opozitës. Vendimi i Kolegjit ende nuk është zbardhur për argumentet që Kolegji ka marrë për bazë për rrëzimin e këtij dekreti, por kjo ishte përballja e parë e dekretit të Metës për anulimin e zgjedhjeve me një institucion në mungesë të gjykatës Kushtetuese.
(k.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Kryetarja e grupit parlamentar demokrat Rudina Hajdari ka reaguar lidhur me situatën e fundit politike dhe tensionet në vend. Në një postim në Fac...
TIRANË- Ish-kryeminsitri Sali Berisha ka publikuar një foto, në të cilën shfaqet flamuri ynë kombëtar i hedhur në tokë, kjo pas mitingut të Ramës ditën e d...
TIRANË– Ambasadori i BE-së në vendin tonë, Luigi Soreca, ka takuar kreun e Këshillit të Lartë të Prokurorëisë Gent Ibrahimin. Në një reagim në media...
TIRANË- Kryetari i Bashkisë së Skraparti dhe Selencës, dy bashki që drejtohen nga partitë e opozitës vijojnë ende përpjekjet e tyre për të ndaluar bërjen e...
KUKES- Ndonëse 5 ditë na ndajnë nga zgjedhjet e 30 qershorit, kryeministri Edi Rama vijon me fushtën elektorale. Këtë pasdite Rama zhvilloi një takim elektoral ...
TIRANË- Kryeministri Edi Rama gjithmonë është i kujdesshëm që të mbyll komentet në Instagram, pasi në shumë raste janë negative. Por sot teksa ka postuar n...
SHQIPËRI- Komisioni Qendror i Zgjedhjeve ka nisur sot shpërndarjen e materialeve zgjedhore.Blindat e ushtrisë kanë bërë shpërndarjen e materialeve në disa ...
Tiranë– Ditën e sotme kryeministri Edi Rama do të zhvillojë mitingun e radhës në Kukës. Por nga ana tjetër demokratët e Kukësit kanë paralajmëruar se atje nuk d...
Elbasan- Ish-deputeti i PD-së Aurel Bylykbashi i cili u arrestua nga policia pas protestës në Librazhd ka bërë sot një deklaratë të fortë në lidhje me zgjedhjet...
TIRANË- Analistin Mustafa Nano jemi mësuar që ta shohim në debate me politikanë në studio televizive, por këtë herë ai ka replikaur me Erion Braçen ...