Bota

Chiara Ferragni dhe Fedez rezultojnë pozitiv me Covid

27 Dhjetor 2021, 15:23 Nga DOSJA

Chiara Ferragni dhe Fedez rezultojnë pozitiv me Covid

ITALI – Influencuesja dhe bloggerja e njohur italiane Chiara Ferragni dhe reperi Fedez njoftuan me një video në rrjetet e tyre sociale se janë pozitive ndaj Covid.

Dyshja shpjeguan më pas në faqet e tyre në Instagram se në shtëpi ata mbajnë maska gjatë gjithë ditës sepse nuk mund të mbajnë shumë distancë me fëmijët pasi janë të vegjël dhe kanë nevojë për kujdes.

“Siç mund ta merrni me mend, unë dhe Chiara jemi pozitivë. Ne po testonim veten çdo ditë për t’u siguruar dhe dje bëmë një tjetër provë, rezultati i së cilës ka ardhur tani dhe ne jemi pozitivë. Nuk e di se si fëmijët janë negativë për momentin. Fatmirësisht jemi asimptomatikë dhe të gjithë janë mirë. Prioriteti ynë për momentin është që fëmijët të jenë mirë, shpresojmë të vazhdojë kështu”, ka shpjeguar reperi në videon e xhiruar në shtëpinë e tyre në Milano me gruan e tij ku të dy mbajnë maskë.

Në një video tjetër Chiara Ferragni shtoi se ishte një situatë shumë e parehatshme, por e rëndësishme është që janë asimptomatikë dhe janë mirë. Më pas, duke iu drejtuar ndjekësve të tyre, Fedez i ftoi ata të jepnin disa këshilla nëse rastësisht edhe ata gjendeshin në një situatë të ngjashme, në shtëpi pozitive me Covid, por me fëmijë negativë.

“Shpresojmë që fëmijët të mbeten negativë. Nëse keni ndonjë përvojë të ngjashme, na tregoni se si ja keni bërë dhe faleminderit për disa këshilla. Gjëja pozitive është se ne jemi asimptomatikë. Bilanci i kësaj situate: ana pozitive është se Vitin e Ri do ta festoj në shtëpi që është një arritje personale”, shton Fedez duke treguar se mbajnë maska gjithë ditën në shtëpi.

(m.k/dosja.al)

Cila mendoni se është alternativa më e mirë:

View Results

bota rajoni chiara ferragni chiara ferragni dhe fedez fedez milano chiara ferragni chiara ferragni dhe fedez fedez milano