Aktualitet

VIDEO / Arrestohen 283 kriminelë, sekuestrohen 10 mln euro, mes tyre edhe shqiptarë

23 Dhjetor 2021, 08:45 Nga DOSJA

VIDEO / Arrestohen 283 kriminelë, sekuestrohen 10 mln euro, mes tyre edhe

BRUKSEL – Sipas të dhënave të policisë italiane, janë arrestuar 283 kriminelë, janë çmontuar 9 organizata kriminale të stilit mafioz dhe janë sekuestruar mbi 10 milionë euro në 55 hetime ndërkombëtare dhe 171 misione jashtë vendit të kryera brenda rrjetit RETE @ON, ku marrin pjesë 29 Forca të Policisë që përfaqësojnë 24 shtete, ndër to edhe Shqipëria.

Kjo është ajo që doli nga videokonferenca përfundimtare për projektin e financimit evropian “Onnet” të Rrjetit Operativ Antimafia @ON ku DIA është Drejtuese e Projektit.

Në këtë video-konferencë u dha edhe lajmi se Drejtoria e Përgjithshme për Migracionin dhe Çështjet e Brendshme të Komisionit Evropian i ka akorduar një financim të mëtejshëm Rete @ON nëpërmjet një Granti Direkt prej 2 milionë eurosh, i cili do të mundësojë funksionimin e tij edhe për vitet 2022 dhe 2023.

Ky financim vjen në kuadër të luftës kundër korrupsionit dhe krimit të organizuar, veçanërisht në arrestimin e kriminelëve dhe çmontimin e organizatave kriminale.

Nga pikëpamja operative, hetimet ndërkombëtare të kryera nën koordinimin e Shërbimit për Bashkëpunim Ndërkombëtar Policor të Sigurisë Publike, kishin të bënin kryesisht me mafian italiane, grupe kriminale të etnisë shqiptare, por edhe rrjete kriminale të vendeve të Evropës verilindore dhe vendet aziatike, të përfshira në aktivitete të ndryshme kriminale, si në trafikun ndërkombëtar të drogës, por edhe të pastrimit të parave me origjinë të paligjshme përmes rrjeteve të specializuara kriminale.

Marrë nga comunicalo.it

(E.H/Dosja.al)

Cila mendoni se është alternativa më e mirë:

View Results

aktualitet aktualitet kriminelet shqiptar policia italiane kriminelet shqiptar policia italiane