Sport

Befasi! Tenisti Rafael Nadal bën njoftimin se rezultoi pozitiv me Covid-19…

20 Dhjetor 2021, 11:42 Nga DOSJA

SPANJE – Tenisti Rafael Nadal njoftoi të hënën se kishte rezultuar pozitiv me Covid-19. Në një sërë mesazhesh në rrjetet sociale, spanjoli sqaron se një test PCR në mbërritjen e tij në Spanjë, është shkaku i këtij rezultati pozitiv.

Lojtari me 20 tituj Grand Slam po kthehej nga një turne në Abu Dhabi. “Qoftë në Kuvajt apo Abu Dhabi, ne jemi kontrolluar çdo dy ditë dhe kemi qenë negativ, më i fundit të premten ishte të shtunën.”

Në lidhje me gjendjen e tij aktuale, numri 6 aktual i tenisit botëror nuk i detajon simptomat e tij, por shpjegon njohjen e “momenteve të pakëndshme”, duke shpresuar të shohë një përparim. Gjithashtu ai saktëson se këtë informacion ua ka transmetuar të gjithë atyre që kanë qenë në kontakt me të së fundmi.

Ky test pozitiv duhet të ndikojë në fillimin e tij në sezonin 2022, i cili ende duhej të përcaktohej. “Duhet të jem plotësisht fleksibël me orarin dhe të analizoj opsionet sipas progresit tim. Do t’ju mbaj të informuar për të gjitha vendimet në lidhje me turnetë e mia të radhës”,- u premton ai fansave të tij përpara se t’i falënderojë për mbështetjen e tyre. Ai aktualisht është i regjistruar për turneun e Melburnit (4-9 janar) dhe Australian Open (17-30 janar).