Politike

VD-Rama-gazetarëve: Mos u largoni pa bereqetin e vaktit të drekës

26 Nëntor 2021, 12:36 Nga DOSJA

VD-Rama-gazetarëve: Mos u largoni pa bereqetin e vaktit të drekës

ELBASAN– Kryeministri Edi Rama iu drejtua gazetarëve të pranishëm në fund të konferencës me Albin Kurtin, që të mos largohen nga mbledhja pa bereqetin e vaktit të drekës. Me shaka, Rama tha se duhet të kapin drekën një herë e më pas të vazhdojnë me darkën.

‘Sa i përket bereqetit, në ngrysemi dhe gdhihemi duke u lutur që të ketë shi. Ne varemi 100% nga burimet hidrike. Kështu që shpresoj që të vazhdojë të bjeri shi. Sigurisht që nuk mund të rrimë në shijen e shiut për të marrë një sërë masash dhe po investohemi me parqe fotofoltaike dhe gaz të lëngshëm përmes TEC-it të Vlorës. Po investohemi për Skavicën. Për dy arsye, bashkëpunimi me Kosovën na jep mundësi që të balancojmë dhe të kemi më shumë sesa ne na duhet nga pikëpamja e reshjeve dhe burimeve që vijnë nga reshjet. Ia kalojmë Kosovës dhe e ka më të thjeshtë, sepse e ka energjinë, termocentrali fiket dhe ndizet. Kemi bërë gjithçka për të kapur pushtetet, shiun nuk e kemi kapur dot. Interkoneksioni është realitet. Sigurisht që e ardhmja na e do këtë dhe duke pasur para një kohë shumë të vështirë lidhur me kushtet e reja që vendoset për taksën e karbonit, Shqipëria del me një avantazh natyral se e ka të gjelbër dhe sinergjia me Kosovën duhet që të përgatitet që sot që mos ta vuajë taksën e karbonit. Shumë faleminderit, jeni të mirëseardhur edhe të gjitha gazetarët nga Kosova bashkë me kolegët mund të qëndrojnë pa u larguar për të marrë edhe atë mirësinë e mikpritësve në këtë rast është qeveria e Shqipërisë. Në këtë rast pa u larguar pa bereqetin e vaktit të drekës e kam fjalën. Se si do që të vijë puna të kapim drekën njëherë pastaj vazhdojmë për darkën”