Aktualitet

‘Pro pushkatimit’/ Vrasja makabre në Fier, rrjeti ‘SHPËRTHEN’: Ëngjëlli është vrarë

16 Nëntor 2021, 21:29 Nga DOSJA
‘Pro pushkatimit’/ Vrasja makabre në Fier, rrjeti

FIER– Një vrasje masakër ka ndodhur në Fier ditën e sotme, ku një 8-vjeçar është vrarë dhe më pas është groposur në oborrin e banesës së fqinjit të tij, Klodian Çalamanit. Autori i vrasjes e ka marrë të miturin në banesën e tij dhe pasi e ka qëlluar me lopatë pas koke duke e groposur më pas në oborrin e banesës së tij.

Ngjarja makabër ka sjellë reagime të forta në rrjet, ku mbizotëron ajo e rikthimit të dënimit me vrasje për dënime të tilla. Në reagime të forta është bashkuar politika shqiptare, e po ashtu personazhe me ndikim në vend, si reperi Noizy apo dhe moderator Blendi Fevziu.

Dosja.al ka mbledhur të gjithë reagimet në rrjet në një artikull të vetëm…

REAGIMET NJË PAS NJË:

Blendi Fevziu: Nje femije 8 vjecar, krejtesisht i pafajshem, ka munguar sot ne shkolle. Engjelli i vogel eshte rrembyer, vrare dhe groposur nga fqinji i tij, me gjase nje i semure mendor, por edhe nje kriminel perserites. Pertej te qenit nje krim makaber, nje ngjarje e tmerrshme dhe nje vrasje tejet troditese, ajo eshte nje kembane per shoqerine tone. Detajet nuk kane dale ende, por nuk eshte ngjarja e pare e ketij lloji. Kur i hyn me ne thellesi befas zbulon qe vrasesi dhe krimineli, ka kryer edhe here te tjera tentativa te ngjashme. Dhe e kane ditur te gjithe, lagjia, komshinjte, policia dhe drejtesia qe me gjase e ka lene te lire. Pa dashur te akuzoj askend, ngjarja meriton nje reflektim te plote, nje ndeshkim te te gjithe fajtoreve dhe nje identifikim te gjithe personave me rrezikshmeri te tille. Po nuk ndodhi kjo, ky vend sdo te gjeje me kurre qetesi. Dhe vrasesit do te vertiten rrugeve, ndersa toleruesit apo ata qe i lirojne do te vijojne te gezojne parate e pista me te cilat kane marre vendimin. Qe historia e vogelushit 8 vjecar te mos pasohet nga krime te tjera, duhet te bejme presion te gjithe. (P.s kete thame edhe ne ngjarjen e tmerrshme te dikurshme te Palases, por vec nje impenjimi 2 – 3 mujor, e gjitha u harrua). ENGJELLI I VOGEL DHE I PAFAJSHEM U PREHTE NE PAQE!

Ylli Manjani: Hapni çmendina, o të çmendur qeveritarë! Hapni spitale psiqiatrike, përgatisni mjekë psikiatër e t’i paguani mirë se janë çmendurit rrugëve, o të çmendur pushtetarë! Mblidhini more të çmendurit se masakruan fëmijët, o të çmendurit e të çmendurve! Janë kudo nëpër Shqipëri. Jo vetëm në Fier! Nuk ka asnjë kuptim t’i zini me policë kur ata dhunojnë e vrasin. Është shumë vonë, o të vonuar nga mendtë! Ngrijini ato kartona për aq para sa duhen për të izoluar të çmendurit në çmendina, o të çmendur deputetë! Boll bëni sikur ziheni, o të çmendur që nuk trajtoni dot të çmendurit! U çmendshi e marrshi malet më mirë se nuk i duheni askujt! Nuk e ruani këtë shoqëri nga të çmendurit, le pastaj nga kriminelët! Bah, çfarë çmendurie! Çfarë trishtimi!

Taulant Balla: Krimi horror në Fier duhet të marrë një ndëshkim maksimal dhe të mënjëhershëm nga drejtësia.

Jorida Tabaku: Në emër të Grupit Parlamentar të PD por besoj edhe të kolegëve socialistë, shpreh mendimet dhe lutjet tona për ngjarjen makabër që ka ndodhur sot në Fier. Sot jemi të gjithë me familjen e atij fëmije, që fatkeqësisht nuk jeton më!

Erisa Xhixho: Edhe një fëmijë tjetër tetëvjeçar bëhet viktimë e një krimineli! E çfarë vlere ka të thërrasim sot se krimineli duhet të marrë ndëshkimin maksimal, kur krimineli ishte aty e askush nuk e ngriti zërin më parë, që ai të mos ishte i lirë dhe jashtë mbikqyrjes së organeve të zbatimit të ligjit, të cilat e kanë për detyrë parandalimin e akteve kriminale?! Çfarë krimi makabër! Dhe çfarë turpi për të gjithë ne si shoqëri! Sepse me heshtjen tonë e lamë fëmijën në duart e lira të kriminelit. Sa turp e faj bashkë për shtetin, që me mosveprimin e vet është po aq fajtor sa krimineli në vrasjen e 8 vjeçarit të gjorë, jeta e të cilit nuk mund të shpaguhet me asgjë!

Noizy: Une jam “PRO” ligjit për pushkatim. Për mostra si Klodian Çalamani & Pordhonues. Le të na vonohet Edhe ca vjet anetarsimi në Europe ska gje

LAJMI KRYESOR: HORROR në Fier! Fqinji MOSTËR rrëmben dhe gropos në oborr fëmijën 8 vjeç (ZHVILLIME)

(k.m/dosja.al)

Cila mendoni se është alternativa më e mirë:

View Results

aktualitet aktualitet klodian çalamani vritet i mituri ne fier klodian çalamani vritet i mituri ne fier

Sondazh

Poll

MË SHUMË