Bota

‘Open Balkan’! Tre liderët: Pas 18 muajsh lëvizim lirshëm, të na bashkohen të tjerët

4 Nëntor 2021, 06:40 Nga DOSJA

‘Open Balkan’! Tre liderët: Pas 18 muajsh lëvizim

SERBI– Tre liderët, kryeministri i Shqipërisë Edi Rama, Presidenti i Serbisë Aleksandër Vuçic dhe zëvendëskryeministri i Maqedonisë së Veriut, Nikola Dimitrov deklaruan nga Beogradi se brenda një viti apo një viti e gjysmë qytetarët e këty vendeve do të mund të lëvizin lirshëm pa qenë nevojë pqër burokracitë aktuale që janë në kufi. Në konferencën e përbashkët të mbajtur pas takimit të radhës për nismën “Ballkani i hapur” në Beograd, Rama, Vuçiç e Dimitrov u shprehën se burokracitë e kufijve i vujnë fermerët e sipërmarrësit të cilët i lënë fëmijët në gjumë dhe i gjejnë sërish në gjumë pasi përkushtohen për të prodhuar produkte të freskëta, por pritjet në dogana bëjnë që ato të kalojnë në vendet ku do të shiten, të transformuara.

Por, Rama tha se pas Krishtlindjeve, në fund të muajit dhjetor, liderët e tre vende që janë pjesë e Ballkanit të Hapur do të mblidhen në Tiranë, në kuadër të Samitit të Tiranës për të bërë një përmbledhje të të gjitha marrëveshjeve që janë përfunduar, përfshirë këtu edhe atë të lejeve të punës. Dhe nga muaji janar i vitit 2022, siç tha edhe kreu i qeverisë Rama, në kufij do të ndihet një relaks pasi produktet nuk do të duhet të presin më 48 apo 60 orë për të kaluar në anën tjetër të kufirit.

Teksa komentoi dhe refuzimin e Kosovës për t’ju bashkuar Ballkanit të Hapur, Rama tha se çdo vend tjetër nga Ballkani Perëndimor është i lirë që tu bashkëhet në mënyrë që bashkë të krijojnë pavarësit dhe të mos mbeten në pritje të Bashkimit Evropian. Referuar Malit të Zi, Rama ironizoi kur tha se nëse vendi fqinj futet në Evropën vitin që vjen, duhet tu tregojë sekretin ose në të kundërt, do të detyrohet tu bashkohet në ‘Open Balkan’. Vuçiç, i pyetur se si do ta bindë Kosovën për t’ju bashkuar kësaj nisme, tha se ftesa është dërguar, kështu që çdo vedn është i lirë të vendosë vetë për këtë gjë. Zëvendëskryeministri i Maqedonisë së Veriut Nikola Dimitrov tha se dorëheqja e Zoran Zaev nuk do të bëjë që vendi i tyre të dalë nga kjo nismë.

Rama e Dimitrovi arritën në Beograd një natë më parë ku u pritën nga Presidenti Vuçiç. Në një darkë që iu bashkua edhe Zdravko Krivokapiç, kryeministri i Malit të Zi.

Çfarë është nisma “Ballkani i Hapur”?

Nisma për bashkëpunimin rajonal, por që ka mbetur e tkurrur vetëm mes Serbisë, Shqipërisë dhe Maqedonisë së Veriut lindi më tetor të vitit 2019. Fillimisht e pagëzuar si “Mini Schengen”, nisma ka si qëllim lëvizjen e lirë të kapitalit, mallrave, shërbimeve dhe njerëzve midis tri vendeve. Por që prej korrikut të këtij vitit, në Forumin për Bashkëpunim Ekonomik Rajonal në Shkup, nisma ka marrë emrin e ri, “Ballkani i Hapur”. Deri më tani duket se Mali i Zi do të jetë vendi i radhës që pritet t’i bashkohet nismës, pasi sinjalet e para janë dhënë si nga kryeministri, po ashtu edhe nga zëvendësi i tij shqiptar, Dritan Abazoviç. Ndërsa Bosnje e Hercegovina dhe Kosova, janë shprehur se nuk do t’i bashkohen nismës. Nga Prishtina, kryeministri Albin Kurti pretendon se bashkëpunimi në rajon është detyrë e Procesit të Berlinit dhe se vendet nuk duhet që të diskutojnë pa pasur praninë e përfaqësive nga Bashkimi Europian.

ZHVILLIMET ORË PAS ORE:

Open Balkan, publikohet deklarata e përbashkët: Do krijojmë Këshill Ndërministror

Kosova nuk ndryshon qëndrim: Jemi jashtë ‘Open Ballkan’! Kurti, asnjë koment

Ironia e Ramës me Malin e Zi: Të tregojë si hyri në BE, ose të vijë tek Open Balkan

“Open Balkan”/ Vuçiç: Të na bashkohen vendet e tjera, të mos rrezikojmë kurrë paqen

“Si do ta bindni Kosovën?” Vuçiç: Kush do të bëhet pjesë e ‘Open Balkan”, të vijë

Ballkani i Hapur, Rama: Burokracitë e kufijve i vuajnë ata që lënë fëmijët në gjumë!

Open Balkan, Dimitrov: Në Tiranë deklarojmë fitore, të tërheqim vendet e tjera

“Open Balkan”, Rama: Nga Janari kufijtë relaksohen, qumështi bëhet kos duke pritur

Vuçiç: Pas Krishtilindjeve mblidhemi në Tiranë, firmosim për lejet e punës

“Open Balkan”, Vuçiç: Kjo nuk u bë as për Ramën e as për mua, por për ekonominë

‘Morëm vendimin e duhur’, Vuçiç shprehet optimist pas takimit me biznesmenët