Bota

I ‘vodhën’ shtëpinë, burri në Angli shokohet kur mëson se nuk ishte më prona e tij

1 Nëntor 2021, 19:12 Nga DOSJA

I ‘vodhën’ shtëpinë, burri në Angli shokohet kur

ANGLI– Një burrë u trondit pasi zbuloi se i kishin vjedhur shtëpinë. Reverend Mike Hall u kthye në pronën e tij në Luton këtë verë për të zbuluar se çelësi i tij nuk funksiononte më dhe se pjesa e brendshme e shtëpisë së tij ishte zhveshur. Hall ishte larg duke punuar në Uellsin e Veriut në gusht, kur mori një telefonatë nga një fqinj duke i thënë se kishin parë dikë brenda shtëpisë së tij. Të nesërmen, ai u kthye në shtëpi dhe gjeti një të huaj brenda.

“Shkova te dera e përparme, provova çelësin tim, nuk funksionoi dhe një burrë ma hapi derën. E shtyva në një anë dhe u futa në pronë, vërtet nuk e dija se çfarë po bënte atje. Shikimi i shtëpisë së zhveshur plotësisht nga mobiljet; të gjitha orenditë, qilimat, perdet, gjithçka, ishte jashtë pronës, qe shokues,” tregoi ai. Hall tha se personi që gjendej në shtëpinë e tij, e informoi atë se po bënte disa punë ndërtimi në pronë për pronarin.

“Unë nuk e kam shitur shtëpinë. Kjo është ende prona ime,” i kishte thënë Hall atij.

Ai më pas thirri policinë për të raportuar incidentin ndërsa burri u largua dhe njoftoi babanë e pronarit. Ky i fundit i tha Hall-it se tani është prona ishte e tija. Më tej u zbulua se pronari i ri e kishte blerë shtëpinë për 131,000 £ dhe që nga konfrontimi, Hall thotë se ka luftuar për të gjetur një zgjidhje.

“Më pas ne u përpoqëm të hynim në dokumentacionin e Regjistrit të Tokës në internet për të zbuluar se emri i kujt ishte… dhe në fakt, që nga data 4 gusht, është emri i këtij njeriu. Në atë moment policia tha, ‘Epo, nuk mund të bëjmë asgjë më tej këtu. Kjo është një çështje civile, ju duhet të dilni nga shtëpia dhe të kontaktoni avokatët tuaj’. Unë isha i shokuar, pasi pashë shtëpinë në gjendjen që ishte. Isha në një gjendje shoku, por më pas, policia tha se ata nuk besonin se ishte kryer një vepër penale. Ishte thjesht e pabesueshme,” përfundoi ai.

Policia e qytetit po heton situatën. Një pasaportë false dhe llogari bankare ishin krijuar në emër të Hall për të shitur shtëpinë. Regjistrimet e telefonatave tregojnë gjithashtu se shtëpia i është vjedhur zotit Hall. Firma juridike që trajtoi shitjen ka thënë se është duke punuar me policinë. Një zëdhënës tha në një deklaratë se do të vazhdonin të bashkëpunonin me policinë dhe të respektonin detyrimet profesionale të tyre.

Burimi: BBC

(i.d.Dosja.al)

Cila mendoni se është alternativa më e mirë:

View Results

bota bota angli vidhet shtepia vjedhje dhe mashtrim angli vidhet shtepia vjedhje dhe mashtrim