Bota

Plani për klimën, vendet e varfra do të marrin $100 mld nga vendet e zhvilluara

24 Tetor 2021, 13:22 Nga DOSJA

Plani për klimën, vendet e varfra do të marrin $100 mld nga

MBRETËRI E BASHKUAR – Samiti i klimës Cop26 i Organizatës së Kombeve të Bashkuara do të shërbejë si një urë lidhëse mes vendeve të zhvilluara dhe atyre në zhvillim. Vendeve më të varfra do t’u ofrohen miliarda dollarë më shumë financime në një përpjekje për të thyer ngërçin e krijuar.

Sipas The Gaurdian, qeveria e Mbretërisë së Bashkuar, si mikpritëse e Cop26 , do të zbulojë propozimet të hënën së bashku me ministrat nga Gjermania dhe Kanadaja, të cilët janë ngarkuar me hartimin e një plani për financimin e klimës, i nevojshëm për të fituar mbështetjen e shumë vendeve në zhvillim për çdo marrëveshje në bisedimet, të cilat hapen në Glasgoë të dielën e ardhshme.

Megjithatë, plani i financimit të klimës Cop26 ka të ngjarë të cënohet nga një grindje brenda qeverisë së Mbretërisë së Bashkuar për daljen e ndihmave jashtë shtetit, pasi kancelari i Thesarit, Rishi Sunak, përgatit shkurtime të reja në buxhetin e ndihmës së Mbretërisë së Bashkuar në rishikimin gjithëpërfshirës të shpenzimeve të mërkurën, kundër dëshirave të mbështetësve në kabinet të Cop26.

Vendeve të varfra u është premtuar që nga viti 2009 se deri në vitin 2020 do të marrin të paktën 100 miliardë dollarë në vit nga burimet e sektorit publik dhe privat ngavendet më të pasura për t’i ndihmuar ata të reduktojnë efektin serrë dhe të përballen me ndikimet e motit ekstrem.

Por ky premtim nuk është përmbushur dhe një raport nga OECD muajin e kaluar zbuloi se në vitin 2019, viti i fundit për të cilin të dhënat janë të disponueshme, u siguruan vetëm rreth 80 miliardë dollarë.

Sunak po planifikonte të përdorte fondet e reja të krijuara nga Fondi Monetar Ndërkombëtar për të zëvendësuar një pjesë të buxhetit të ndihmës jashtë shtetit, duke privuar vendet e varfra nga fondet e reja të pritshme. Financimi, i quajtur të drejta speciale të tërheqjes (SDRs), iu dha të gjitha vendeve nga FMN për t’i ndihmuar ata të përballen me ndikimet e Covid-19.

Vende të tjera të pasura pritet të ofrojnë SDR-të e tyre për kombet e varfra, duke u mundësuar atyre të kenë akses me çmim të ulët në valutë të huaj, huatë e nevojshme për të paguar dhe për të shmangur një krizë borxhi publik. Ekspertët kryesorë të klimës kanë thënë se kjo shkurtim i mëtejshëm i ndihmës jashtë shtetit do të ishte shumë i dëmshëm në Cop26.

(m.k/dosja.al)

Cila mendoni se është alternativa më e mirë:

View Results

bota bota cop26 ne glasgow glasgow mbretëri e bashkuar ndryshimet klimatike ne bote cop26 ne glasgow glasgow mbretëri e bashkuar ndryshimet klimatike ne bote