Aktualitet

Të shtëna me armë pranë Bashkisë në Elbasan, qëllon në ajër Garda, në kërkim një person (DETAJET)

13 Qershor 2019, 06:16 Nga DOSJA
Të shtëna me armë pranë Bashkisë në Elbasan,

Elbasan- Mbrëmjen e djeshme në qytetin e Elbasanit ka pasur të shtëna me armë zjarri. Dosja.al mëson se nuk ka pasur viktima apo të lënduar nga breshëria e armëve.

Mësohet se ngjarja ka ndodhur pranë Bashkisë së Elbasanit dhe teksa një person i është afruar Bashkisë duke bërë veprime të dyshimta  dhe menjëherë ka vepruar Garda.

Pas disa minutash Garda ka qëlluar me armë zjarri në ajër dhe personi është larguar menjëherë. Personi është identifikuar dhe sipas policisë ai është me iniciale E.O,  ndërsa po punohet për kapjen dhe shoqërimin e tij në komisariat.

Njoftimi i policisë:

Specialistët për Hetimin e Krimit në Komisariatin e Policisë Elbasan, referuan materialet hetimore në Prokurorinë e Rrethit Gjyqësor Elbasan, për shtetasin E.O., i cili është shpallur në kërkim policor për veprën penale “Mosbindja ndaj urdhrit të punonjësit të policisë së rendit publik”.

Shtetasi E.O., nuk i është bindur urdhrit të punonjësve të policisë, të cilët i kanë bërë shenjë për të ndaluar, por është larguar me vrap për të mos u identifikuar nga Policia. Gjatë ndjekjes për ta ndaluar njëri nga punonjësit e policisë ka qëlluar në ajër me armën e shërbimit. Vijon puna intensive për kapjen e personit të shpallur në kërkim policor.

J.V/Dosja.al

Tirana është boshatisur për ditët e pushimit. Cilën nga ritet e shenjta po ndiqni:

View Results

aktualitet aktualitet qëllon garda te shtena me arme ne elbasan qëllon garda te shtena me arme ne elbasan

Sondazh

Poll

MË SHUMË