Art&Argëtim

Dhimbje të forta muskujsh, Céline Dion anulon koncertet në Las Vegas

21 Tetor 2021, 12:38 Nga DOSJA

Dhimbje të forta muskujsh, Céline Dion anulon koncertet në Las

SHBA – Këngëtarja e njohur Céline Dion ka shtyrë fillimin e koncertit të saj të fundit në Las Vegas për shkak të disa komplikacioneve me gjendjen e saj shëndetësore.

Sipas The Guardian, lajmin e ka bërë të ditur vetë këngëtarja, e cila tha se ka përjetuar spazma të forta dhe të vazhdueshme të muskujve. Dion do të fillonte serinë e re të koncerteve, me titull Céline, në ambientet e Resorts ëorld Las Vegas muajin e ardhshëm, por ajo nuk ka mundur të bëjë prova për shkak të sëmundjes. Datat, nga 5-20 nëntor dhe 19 janar deri më 5 shkurt do të riplanifikohen.

“Jam zemërthyer nga kjo. Ekipi im dhe unë kemi punuar për shfaqjen tonë të re për tetë muajt e fundit, dhe të mos jesh në gjendje të hapësh këtë nëntor më trishton pa fjalë“, tha Dion.

Megjithatë duket se ka gjetur mirëkuptimin e resortit të cilët i kanë thënë se me rëndësi është vetëm gjendja e saj shëndetësore.

“Asgjë nuk është më e rëndësishme se mirëqenia juaj”, tha presidenti i Resorts World Las Vegas, Scott Sibella për Dion.

Shfaqja do të niste në një një hapësirë të re, me skenën më të madhe dhe më të lartë të qytetit.

Dion ka qenë një yll në Las Vegas që nga viti 2003, kur shfaqja e saj “Një ditë e re” u dha në Pallatin e Cezarit, e njohur si rezidenca më e suksesshme e koncerteve të të gjitha kohërave. Celine ka fituar 385 milion dollarë (279 milion) gjatë shfaqjes së saj pesëvjeçare.

(m.k/dosja.al)

Cila mendoni se është alternativa më e mirë:

View Results

showbiz showbiz celine dion las vegas the las vegas strip vdes nena e celine dion celine dion las vegas the las vegas strip vdes nena e celine dion