Bota

SHBA e ‘shqetësuar’ për tensionin Tajvan-Kinë, Sullivan: Do të ndërmarrim veprimet tona

8 Tetor 2021, 08:29 Nga DOSJA
SHBA e ‘shqetësuar’ për tensionin Tajvan-Kinë,

SHBA- Shtetet e Bashkuara të Amerikës janë “thellësisht të shqetësuara” për veprimet që minojnë paqen në ngushticën e Tajvanit, ka thënë këshilltari i sigurisë kombëtare të SHBA, Jake Sullivan.

Sipas BBC, komentet e tij vijnë pas Kina dërgoi një ‘numër rekord’ avionësh ushtarakë në zonën e mbrojtjes ajrore të Tajvanit për katër ditë rresht në një shfaqje publike të forcës. Tajvani e konsideron veten një shtet sovran por Kina e sheh ishullin si një provincë të shkëputur. Pekini nuk ka përjashtuar përdorimin e mundshëm të forcës për të arritur bashkimin.

“Ne do të ngrihemi dhe do të flasim, si privatisht ashtu edhe publikisht kur shohim llojet e aktiviteteve që janë thelbësisht destabilizuese. Më lejoni ta them këtë, ne do të ndërmarrim veprime tani për të parandaluar që ajo ditë të mos ndodhë kurrë.”– tha Sullivan enjten, një ditë pasi takoi kryediplomatin kinez Yang Jiechi.

I pyetur nëse SHBA ishte ngurruese për të përdorur forcën pas tërheqjes së saj të fundit nga Afganistani, Sullivan tha se ishte “një gabim i madh të përpiqesh të nxjerrësh mësime” nga ai konflikt. Ai tha se Kina do të mbrojë me vendosmëri perspektivën e saj mbi botën dhe se është detyra e SHBA-së të punojë me aleatët dhe partnerët për të bërë të qartë se ku qëndron, për të mbrojtur aleatët dhe interesat e saj.

Tajvani u shkëput nga kontinenti kur komunistët morën pushtetin në 1949. Pekini po shqetësohet gjithnjë e më shumë se qeveria e Tajvanit po e çon ishullin drejt një deklarate zyrtare të pavarësisë dhe dëshiron të pengojë Presidentin e saj, Tsai Ing-wen nga ndërmarrja e ndonjë hapi në atë drejtim.

Megjithatë, Presidenti amerikan Joe Biden tha se homologu i tij kinez Xi Jinping kishte rënë dakord t’i përmbahej “marrëveshjes së Tajvanit”. Biden duket se po i referohej politikës së gjatë të Uashingtonit “një Kinë”, sipas së cilës ajo njeh Kinën dhe jo Tajvanin.

(d.a/dosja.al)

Iftar dhe politikë, a u prek Muaji i Ramazanit nga politikanët?

View Results

bota bota jake sullivan joe biden marredheniet kine-tajvan xi jinping yang jiechi jake sullivan joe biden marredheniet kine-tajvan xi jinping yang jiechi

Sondazh

Poll

MË SHUMË