HAGË- Dëshmitari kundër ish-kreut të UÇK-së Salih Mustafa ka dhënë deklarata të ndryshme nga deklaratat që ka dhënë në vitin 2006 për UNMIK-un. Në 2006-ën, ai tha se një prej personave që e kishte rrëmbyer në Zllashë, mbante të vendosur një maskë, ndërsa ditën e sotme ai tha se nuk kishte parë asnjë njëri me maskë në Zllashë. Pasi u pyet nga gjyqtarja Mappie Veldt-Foglia, në lidhje me kontraditat në deklaratat e tij, ai tha se kishte harruar.
Foglia: Ushtarët, a kishin maska, në vendin në Zllashë ku je mbajtur ti i ndaluar?
Dëshmitari: Jo
Foglia: Po ua bëjë këtë pyetje sepse në një moment të caktuar përpara UNMIK-ut në vitin 2006 juve thatë dhe do të ua jap përnjëherë referencën e deklaratës që kishit bërë, që kishte një person që kishte vënë një maskë që ua vendosi revolverin, pistoletën…Të lutëm a na shpjegon dot pse ke thënë atëherë, që se mban mend datën sigurisht, që kishte një person që kishte vesh maskën?
Dëshmitari: Nuk e mohoj ndoshta kam thënë por prapë po them nuk besoj që ka pasur maskë, nuk kam mundur me vërejt me maskë se nuk kam mundur me këqyr.
Foglia: Këtu unë jam për duke u përpjekur të kuptoj pse në atë periudhë kohe ti ke thënë që personi e kishte maskën, ndërkohë tani po thua ‘jo nuk mendoj që ky personi ka pasur të veshur maskën’. Pra e kuptoj përgjigjen që thua ‘tani unë mendoj që ai nuk e ka pasur maskën’ dhe pyetja ime është pse ke thënë ndryshe në 2006-ën përpara UNMIK-ut?
Dëshmitari: Kam harru, ndoshta kam thënë, por tash po them po mendoj tash nuk e kam parë me maskë.
Foglia: Ti the se pas një muaji e mësove se kish ishte personi përgjegjës atje, ndërkohë që përpara UNMIK-ut (2006) ke thënë që nuk e dije se kush ishte personi mbikëqyrës, a mund të na shpjegosh pak këtë gjë të lutëm?
Dëshmitari: Pas një muaji e kam vërtetuar se kush ishte ai personi që ka qenë kryesor aty.
Foglia: Por në 2006-ën ti ke thënë nuk e di se kush ishte kryesori atje. Pra pyetja ime është pse nuk e ke thënë atëherë ti që ke dëgjuar një muaj pasi u lirove nga aty kush ishte.
Dëshmitari: Ndoshta nuk kam thënë, nuk e di, kam harru çka kam thënë me të thënë të drejtën me më vet dje çka kam folur nuk e di çka, kush më ka vet aty ka 200 herë, ndoshta kam gabuar, nuk e mbaj mend, por pas një muaji e kam marrë vesh personin kush ka qenë ai.
Foglia: Zoti dëshmitar, në vitin 2006 ti ke thënë se nuk e dijë kush është personi, a do të thotë kjo se nuk po thoshe çdo gjë që dije rreth situatës në 2006 por duket ti e dije por u ke thënë atyre që nuk e dije, thjesht dua ta kuptoj pse ke thënë dy gjëra të ndryshme, sepse dikush, nuk po them që e them unë, por dikush mund të thotë që ti ke gënjyer pse nuk e ke thënë kush ishte personi në 2006-ën.
Dëshmitari: Nuk po them që nuk kam thënë, nuk e di, ndoshta kam harru me thënë drejtë, pastaj më ka ra mend që pas një muaji e kam mësuar, kjo është e vërteta.
Foglia: Mbase mos ke pasur frikë të thuash të vërtetën?
Dëshmitari: Jo nuk kam pasur nevojë me pas frikë, për çka, unë kam ardhur këtu me thënë të vërtetën jo me rrejt, nuk kam nevojë.
Foglia: A dihej publikisht se në Zllashë kishte një vend ku i dërgonin njerëzit aty për me i marrë në pyetje dhe me i mbajt të ndaluar aty, e dinin njerëzit?
Dëshmitari: Brenda asaj kohe nuk ka mundur me ditë askush.
(I.A/dosja.al)
Iftar dhe politikë, a u prek Muaji i Ramazanit nga politikanët?
KOSOVË- Ministria e Punëve të Brendshme në Kosovë ka njoftuar se gjatë dy ditëve të fundit janë administruar 6375 targa të përkoshme në të gjitha Pikat e K...
MBRETËRI E BASHKUAR – Profesoresha Dame Sarah Gilbert, puna e së cilës çoi në zhvillimin e vaksinë së Oxford, AstraZeneca, tha në webinarin e ...
GREQI – Shoqja e ngushtë e mësueses greke të vrarë në Rodos nga ish-i dashuri ka ndarë një detaj para se ajo të humbte jetën sipas Sputnik News.Ajo ka thë...
KOSOVË- Partia Socialdemokrate do të dorëzojë një kallëzim penal në Prokurori ndaj Ministrit të Shëndetësisë në Kosovë Arben Vitia. Telegrafi shkruan se ka...
RUGOVË – Mesa duket dimri është më afër këtë vit e këtë e shohim në Kosovë ku pas Bajgorës ditën e djeshme, dëbora ka nisur të mbulojë dhe Rugovën, n...
MAQEDONIA E VERIUT- Një grabitje me pasojë vdekje ka ndodhur ditën e djeshme në Shkup të Maqedonisë së Veriut. Alsat.mk shkruan se një person duke u drejtuar th...
HAGË- Seanca e radhës për ecurinë e çështjes së ish-kreut të UÇK-së Pjetër Shala është mbajtur ditën e sotme. KosovaPress shkruan se zyra e P...
KOSOVË- Edhe pse situata në veri të Kosovës pas vendosjes së reciprocitetit është e qetë, serbët kanë vendosur inerte. Telegrafi shkruan se banorët lokal s...
Presidenti Joe Biden njoftoi të mërkurën blerjen e 500 milionë dozave të tjera të vaksinave kundër COVID-19 për vendet në zhvillim gjatë vitit të ardhshëm.Më pa...
FRANCË- Presidenti francez Emmanuel Macron do ta dërgojë sërish javën e ardhshme ambasadorin e këtij vendi në Shtetet e Bashkuara pasi Presidenti Joe Biden...