TIRANË– Pas vendimit të formës së prerë me 2 vite burg nga Apeli i Gjykatës së Posaçme Kundër Korrupsionit për ish-kryeprokurorin Adriatik Llalla, SPAK ka kërkuar arrestimin e tij. Në një njoftim zyrtar të Strukturës së Posaçme kundër Korrupsionit dhe Krimit të Organizuar, kërkohet gjithashtu edhe konfiskimi i disa prej pasurive të Llallës, të cilat do t’i kalojnë shtetit.
Pasuritë e paluajtshme e sekuestruara:
Pasuria e paluajtshme apartament, me sipërfaqe 67.2 m2, e ndodhur në Durrës.
Pasuritë e paluajtshme të llojit tokë arë, 4 (katër) pasuri, me sipërfaqe gjithsejt 22.300 m2 të ndodhura në Tiranë.
Llalla prej një jave është larguar jashtë vendit për t’u mjekuar në një klinikë private, ku destinacioni i parë për të ka qenë Turqia, ndërkohë që në redaksinë e Dosja.al, ka mbërritur një foto ku ish-kryeprokurori shfaqet duke pritur trenin në Romë.
NJOFTIMI I SPAK:
Mbi përfundimin e gjykimit ndaj të pandehurit Adriatik Llalla. Gjykata e Posaçme e Apelit për Korrupsionin dhe Krimin e Organizuar me vendimin Nr.24, datë 22.09.2021 vendosi: “Lënien në fuqi të vendimit nr.40, datë 20.05.2021 të Gjykatës së Posaçme të Shkallës së Parë për Korrupsionin dhe Krimin e Organizuar”. Gjykata e Posaçme e Shkallës së Parë për Korrupsionin dhe Krimin e Organizuar me vendimin nr.40, datë 20.05.2021 ka vendosur:
Deklarimin fajtor të pandehurit Adriatik Llalla për kryerjen e veprës penale “Refuzimi për deklarim, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publik ose i çdo personi tjetër që ka detyrimin ligjor për deklarim”, parashikuar nga neni 257/a, paragrafi 2 i Kodit Penal, 3 (tre) herë, dhe dënimin e tij me 2 (dy) vjet burgim.
Në bazë të nenit 35 të Kodit Penal heqjen e të drejtës për të ushtruar funksione publike për të pandehurin Adriatik Llalla për një periudhë 5 (pesë) vjeçare.
Pasuritë e paluajtshme të sekuestruara ku përfshihen: Pasuria e paluajtshme apartament, me sipërfaqe 67.2 m2, e ndodhur në Durrës. Pasuritë e paluajtshme të llojit tokë arë, 4 (katër) pasuri, me sipërfaqe gjithsejt 22.300 m2 të ndodhura në Tiranë. Konfiskohen dhe kalohen në favor të shtetit. Bazuar në faktin se vendimi i mësipërm i Gjykatës së Posaçme të Apelit për Korrupsionin dhe Krimin e Organizuar është i formës së prerë, Prokuroria e Posaçme kundër Korrupsionit dhe Krimit të Organizuar ditën e sotme, me datë 22.09.2021 ka nxjerrë urdhërin për ekzekutimin e këtij vendimi penal, duke ngarkuar Policinë e Shtetit për ekzekutimin e tij.
(k.m/dosja.al)
Iftar dhe politikë, a u prek Muaji i Ramazanit nga politikanët?
Për fëmijët dhe të rinjtë mbi moshën 12 vjeç ka nisur vaksinimi në disa vende të Evropës, përfshirë edhe Maqedoninë e Veriut e Greqinë. I njëjti rekomand...
LEZHË– Një aksident është shënuar afër kryqëzimit të Paçramit, pikërisht në kryqëzimin ku edhe ndahet Shkodra me Lezhën.Siç duket edhe ...
TIRANË– 7 të vdekur dhe 820 raste të reja nga pandemia e koronavirusit në Shqipëri. Ministria e Shëndetësisë ka bërë me dije se nga pandemia kanë ndë...
ELBASAN– Një 6-vjeçar ka humbur jetën në qytetin e Elbasanit. I mituri u rrëzua aksidentalisht ditën e sotme nga ballkoni i katit të gjashtë, duke ...
Gjykata e Posaçme e Apelit, kundër Krimit të Organizuar dhe Korrupsionit la sot në fuqi dënimin e Gjykatës së Shkallës së Parë për ish Prokurorin e Përgj...
TIRANË– Mark Nikolli është 34-vjeçari i arrestuar në Tiranë pasi shtirej si një person që kishte lidhje me persona të krimit, duke përfituar n...
TIRANË– Furgoni i Burgut ka përplasur një qytetar i cili po lëvizte me një karrocë me kalë në rrugë teksa transportonte në një seancë gjyqësore të bu...
ELBASAN– I burgosuri që po transportonte furgoni i burgut të Elbasanit drejt spitalit në momentin që përplasi një qytetar është Sokol Sanxhaktari.Mësohet ...
TIRANË- 9 drejtues mjetesh janë arrestuar gjatë 24 orëve të fundit në Shqipëri, për drejtim mjeti pa leje drejtimi si dhe kanë drejtuar mjetin në gjendje t...
TIRANË– Ish-kryeprokurori Adriatik Llalla u dënua ditën e sotme nga Gjykata e Posaçme e Apelit me dy vite burg dhe 5 vite heqje e të drejtës p...