TIRANË– Biseda telefonike mes drejtoreshës së Agjensisë së Veterinarisë dhe Mbrojtjes së Bimëve, Tana Shtylla dhe gazetarit të Syri.tv nxorri zbuluar drejtuesen e institucionit duke kryer inspektim në një fermë në Fier. Gazetari Julian Hoxha mori në telefon Shtyllën për një prononcim në lidhje me denoncimin e ditës së djeshme, i publikuar në Dosja.al, ku thuhej se drejtoresha kishte dërguar për inspektimin në pikën doganore të Kakavijës, ditë të dielë disa inspektorë.
Gazetari i Syrit nuk prezantohet në nisje të bisedës me drejtoreshën, duke bërë që kjo e fundit të flasë lirshëm dhe të zbulojë se sapo doli nga një fermë në Fier. Më tej, kur kupton se personi në anën tjetër ishte gazetar, Shtylla stepet dhe nuk flet më gjatë. Kur pyetet se përse inspektimi është kryer në ditë të diele, ajo nuk zgjodhi që të komentonte më gjatë, duke kërkuar denoncimin me shkrim.
Syri.tv raporton se kryeveterineri pranë Drejtorisë së Veterinarisë së Fierit, nuk ka firmosur asnjë urdhër inspektimi për kontrollin që u bë ditën e dielë në Kakavijë. Ai ka qënë në ditë pushimi, pa pasur asnjë dijeni në atë që po ndodhte në të vërtetë.
BISEDA:
Tana Shtylla: Alo si kalove
Gazetari: Përshendetje
Tana Shtylla: Ca bëhet mire? Ne tani po dalim nga Fieri, vajtëm në fermë, hë më thuaj.
Gazetari: Jam Julian Hoxha, jam nga Syri, doja tju bëja një pyetje pasi kemi një denoncim nga…
Tana Shtylla: A më fal, më fal, unë mendova se ishe një kolegu im në Kakavijë.
Gazetari: Kemi një denoncim, një ankesë nga një qytetar që keni bërë një inspektim, sot ditë të dielë. Mund ta dimë motivacionin se përse është kryer ky inspektim ditë të dielë?
Tana Shtylla: Kush jeni ju dhe një herë?
Gazetari: Jam gazetar nga Syri tv në Tiranë
Tana Shtylla:Po kush jeni ju, keni target ju të më pyesni mua pse bëj inspektime, megjithesë inspektimin s’e kam bërë unë, e ka bërë shërbimi rajonal veterinar. Unë sapo u ndava nga zoti Fadil dhe nuk ka nevojë që të marrësh ti asnjë informacion.
Gazetari: Ne kemi denoncimin ndaj po ju them,
Tana Shtylla: Ke denoncim, ok, më sillni me shkrim denoncimin dhe do ju përgjgjem.
Gazetari: Dmth s’mund të na i thoni pse po bëhet ditë ditele që është ditë që…
Tana Shtylla: Si
Gazetari: Nuk mund të na i thoni pse po i bëni sot që është ditë jozyrtare e punës?
Tana Shtylla:Jo zyrtare është cdo ditë e punës time, po unë nuk kam bërë asnjë inspektim sot.Unë jam drejtoresha e përgjithshme e autoritetit kombëtar, nuk e di nëse po ngatërroni person.
Gazetari: Jo nuk ju ngatërrojmë, neve na kanë thënë
Tana Shtylla: Inspektimin e bëjnë drejtoritë rajonale
Gazetari: Jo po motivacioni pse kryhet ditë të dielë sepse ky…
Tana Shtylla: Jo jo, më vjen shumë keq, ju nuk jeni subjekti i duhur ku mund të bëhet një denoncim dhe që unë ti jap shpjegim.
Gazetari: Ne jemi media dhe ne normalisht kemi të drejtën tonë
Tana Shtylla: Po mirë mo ma bëj me shkrim, më thuaj në bazë të cilit nen ti do informacione edhe…
Në denoncimin e ditës së djeshme, u raportua se drejtoresha e Agjensisë së Veterinarisë dhe Mbrojtjes së Bimëve, Tana Shtylla kishte dërguar për inspektimin në pikën doganore të Kakavijës inspektorë. Ky inspektim i kryer ditën e dielë, në ditë pushimi, i hoqi licensën për 2 javë kompanisë. Sipas qytetarit që raportoi publikimn, urdhëri u dha nga drejtoresha Tana Shtylla.
(a.b)/dosja.al
Iftar dhe politikë, a u prek Muaji i Ramazanit nga politikanët?
DIVJAKË– Klemend Muça, vëllai i Fëllënxë Rrasës, 45-vjeçares që u vra nga bashkëshorti i saj Hekuran Rrasa, i cili më pas u vetëflijua ...
GREQI- Motra e 21-vjeçarit Erdi Rushitaj, i cili vdiq dje në agim kur motorri që po drejtonte me shokun e tij 17-vjeçar, u përplas në një shtyllë ...
TIRANË- 14 drejtues mjetesh janë arrestuar gjatë 24 orëve të fundit në Shqipëri, për drejtim mjeti pa leje drejtimi si dhe kanë drejtuar mjetin në gjendje ...
TIRANË- Enkelejda Sulaj, nëna e fëmijëve të rrëmbyer nga babai i tyre në një lidhje live në emisionin “Shqipëria Live” në Top Channel ka treguar gjithë var...
TIRANË– Katër mjete janë përfshirë në një aksident në rrugën e Rinasit mesditën e sotme. Nuk dihet si ka ndodhur përplasja dhe nëse ka të lënduar. Më...
TIRANË– Operatori i Shpërndarjes së Energjisë Elektrike ka njoftuar se do të ketë shkëputje të energjisë elektrike në datën 21 shtator në disa zona t...
TIRANË– Gazetari i njohur investigativ Artan Hoxha ka deklaruar se është kërcënuar nga persona të ndryshëm dhe vetë drejtuesit e klubit sportiv të La...
TIRANË- Prokuroria e Tiranës i ka dorëzuar gjykatës kërkesën për ekstradimin e Kreshnik Budllës alias Farruku në drejtim të Italisë, i cili është dënuar me...
TIRANË– Shkarkohet nga Vettingu prokurori i Vlorës, Erjon Çelaj.Prokurori Erion Çelaj i Prokurorisë së Vlorës u përball me Komisionin e...